Vaşê ke koyan ra kom kenê hem şîfa û hem zî qezenc ê 

2018-04-13 13:23:42


	 

	ŞIRNEX - Nesîbe Ozena dewê derûdorî vaş kom kena û bazar de roşena wina vana: "Serê na herre de çi tewir nebat vajê esto. Heme zî seba weşîye merdiman baş ê."

	 

	Vaşê ke dewê girêdayê Cizîra Şirnexî de resenê, bi destê cinîyan yenê komkerdiş û serê tezgehan de cayê xo gênê. Cinî serê siba rew dest bi kar kenê, tolik, gezgez, pelê sÎlka û xeylê tewirê bîn kom kenê û anê keye. Cinî heme kenê qevd û bazaran de tezgahan awan kenê, resnenê merdiman.

	 

	'Bi kede qezenc yena girewtiş'

	 

	Nesîbe Ozena mêrdeyê aye nêweş o û mecbura keyeyê xo rê biewno, bi vaşê ke dewan de kom kena bazaran de roşena û domananê xo rê ewnîyena. Nesîba bi embazanê xo dir bazarê tezgahan akena û wina vana: "Ma koyan û dewan ra vaş kom kenê. Ma siba de yenê heta şan de vaş kom kenê. Ma hebe înan ya 5 kuruş ya zî 1 lîra roşenê. Karê ma zehmet o la merdimî kede nêdê çîyêke nêeşkenê qezenç bikerê."

	 

	'Herra Kurdistanî bi bereket a'

	 

	Nesîbe da zanayîş ke herra Kurdistanî bi berkete û wina va: "Ti çi tewir vaş biwazê esto. Seba weşîye merdiman xeylê feydeyê înan esto. Çîyê tebîî zaf feydeyîn ê. Xora rotişê înan zî erjan o her kes zî gêno."

	 

	'Koçerî virazenê ma roşenê'

	 

	Şerîfe Ozdeke ke aye zî  serê tezgahê Nesîba de penîrê bi vaş roşena. Şerîfe ya penîrê ke koçerî zozanan de viraznenê wina vana: "Ma awa penîrî gênê. Ma dima ra sole kenê. Ma vaşê sîrîke zî kenê ci û nimnenê. Dima ra beno zî ma bazar de roşenê."