'Çekê ke roja derbeyî ameyî vilakerdiş ça de yê?' 

2018-04-14 12:27:21


	 

	Şehrîban Aslan

	 

	AMED - Hemverfeka Delgeyê KCDî yê Amedî Zelal Bîlgîne dîyar kerde ke bi hewldayîşê derbeyê 15ê  Temmuze dir rayîrê çekdarîyê şexsî ameyê akerdiş û wina va: "Berê qerekolan yenê akerdiş û seba hewildayîşê derbe bêro vindartiş çekî ameyî vilakerdiş. Gelo nê çekî ça de yê? La vejêno meydan ke nê çekî cinîyan qetil kenê."

	 

	Bursa de 10ê Nîsane çerçeweya bernameyê Hewteyê Polîsan de seba keyayan perwerdeyê kaleşnîkof û çekan ame dayîş. No perwerde raya pêrîyî de bi hîra ca girewt û xeylê kîştan de reaksîyon ame mojnarayîş. No dir zî vernîya amadekarîya şerê mîyanxoyî û qetilkerdişê cinîyan ame akerdiş. Hevferfeka Delegeyê Amedî yê KCDî Zelal Bîlgîne reaksîyon mojna ra û dîyar kerde ke no zanayîş  felaketê newe dano.

	 

	Zelale da zanayîş ke komelî de şîdetêke pîl esto û tu polîtîkayê vernî şîdetî bigîrê nînê kerdiş û wina va: "Seba polîtîka nînê berardiş şîdet zî yeno destekkerdiş. Şîdet, tacîz, tecawiz û kiştişê cinîyan roj bi roje zêde benê. Sera hezar û 400 kiştişê cinîyan zêde bîyo. Ma komelêke wina de sey cinî hewl danê bicuyê û têkoşîn bikerê. Berê qerekolan yenê akerdiş û seba hewldayîşê derbe bêro vindartiş çekî yenê vilakerdiş. Gelo nê çekî nika ça de yê? La vejêno meydan ke nê çekî cinîyan qetil kenê. Gelo çend cinî bi nê çekan ameyî qetilkerdiş? Nê çekî çira nêameyî komkerdiş? Nê çekî bi çi amancî yenê xebitnayîş?"

	 

	'4 hezar gule do ça bêrê xebitnayîş'

	 

	Zelale dewam de reaksîyon mojna çekdarîyê şexsî û va bi no dir şîdet zêde beno û wina va: "Çekdarîyê şexsî de hûmara guleyê ke yenê dayîş 200 bî û reyke de vejya 4 hezarî. Gelo do nê ça de bêrê xebitnayîş, amadekarîyê çi yenê kerdiş? Her wext şîdet yeno xebitnayîş. La Tirkîya de şîyaye des ra yew seba huzûrê komelî nîno xebitnayîş. Ma verbi şerêke mîyanxoyî şinê."