Qayûmî XAWESOR xesp kerd ser de zî 100 hezar TL waşt 

2018-04-14 12:45:02


	 

	Hîkmet Tunç

	 

	WAN - Qayûmî hacetê Koperatîfê cinîyan XAWESORî dewrê KADEMî yê ke serekîya ci kênaya serekkomar Tayyîp Erdogan, Sumeyye Erdogane kena kerde û nika zî cinîyê ke koperatîf awan kerdê 100 hezar TL û hacetê girewtişî waşt.

	 

	Hacetê Koperatîfê Xawesorî Payîzava yê Wanî hetê qayûm ra dewrê KADEMî ke serekîya ci Sumeyye Erdogan kena amî kerdiş. Cinîyê awankerdoxê koperatîfê bi rayîrê huqûqê îtîrazê nê xespî kerdî la muxatab nêvînayî. Qayyûm Osman Dogramaci pêwa ke ser de 11 aşmî derbaz bîyê zî cinîyan 100 hezar TL waşt.

	 

	Piştdayîşê seba koperatîf ameyê dayîş dima ameyî waştiş

	 

	Seba awankerdişê koperatîfî Handan Karakoyune rê hetê serekîya şaredarî ra notêke wina ameyo: "Meclîsê şardarîya Payîzava 11.12.2015 û qerarê hûmara 116 qerar daya ke seba koperatîfî bi qasê  100 hezar TL hetkarî bêro kerdiş. Ma wazenê ke qefil bidê şaredarîya ma ya zî ma do dest bidê serê hacetan."

	 

	Handane reaksîyon caardişan rê mojna ra û dîyar kerde ke hacetê ke diznayê nika ma ra wazenê û da zanayîş ke eşkenê her tewir kar û barê fermî bidê destpêkerdiş û sey cinî do qetî hemverê polîtîkayê qeyûm sere nêtewênê.