Bîyayîşê aye Nisêbînî sebebê 'endamîya rêxistine' ame hesibnayîş 

2018-04-15 10:10:13


	 

	MÊRDÎN - Jîyan Aye wextê qedexeyê tebervejyayîşê kuçeyan ê Nisêbînî de amî tepiştiş û dima ra amî tewqîfkerdiş, dewaya îstîmlakkerdişê derheqê aye de amebî akerdiş 13 serrî û 4 aşmî ceza dayî ci. Sebebê ceza zî a bi ke proses de Nisêbîn de bîya û rêçe engişta aye kaxidêke de esta.

	 

	Nisêbînê Mêrdînî de 14ê Adara 2016 de qedexeyê tebervejyayîşî ame îlankerdiş û wextê qedexeyî dewam kerdêne 26ê Gulane de 67 kesî merkez ra ameyî tahlîyekerdiş û hetê dadgehe ra ameyî tepiştiş û nika  17 ci ra domanî bî pêroyî de 67 kes nika bi ‘muebetê giran’ yenê muhakemekerdiş. Yew kesê ke înan ra amebî tepiştiş Jîyan Aye ya û Jîyane bi merdişê 76 polîsan berpirsîyar yena vînayîş û bi 'muebetê giran' yena muhakemekerdiş. Verê nê de zî barîkat û xendekê ke ameyê viraştiş zî berppirsîyar yena vînayîş û dewaya îstîmlakkerdişî ya derheqê aye de ameya akerdiş de zî 13 serrî û 4 aşmî cezaya hepsî dayî ci. Qerarê bi sebebê ceza de zî yeno vatiş ke rêçe engişta Jîyane serê kaxidêke de esta û wextê qedexeyan de Nisêbîn de bîya.

	 

	Hîrê kesê ke nas nêkerdêne derheqê aye de îfade dayî

	 

	Jîyane seba îfadeyê şahidê derheqê aye de îfade dayê va: "Ez înan nas nêkena. Îmzaya min a ke semedo ke mi îşkence ra nêdîya, nîno vîrê mi ke mi senîn îfade da" Derheqê Jîyane de îfadeyê hîrê kesan ca gêno.

	 

	Qerar de heyetê dadgehe dîyar kerde ke Jîyane semedo ke hacetê îstîmlakî zirar dîyê dewa nêameya akerdiş û qerar da ke seba nê zî Serdozgerîya Komara Nisêbîn de muracatê sucî bêro kerdiş û dewayêke newe bêro akerdiş