'Heywanê ke warê cuya înan yenê xespkerdiş sey hacetan yenê rotiş' 

2018-04-15 10:28:02


	 

	Melîke Aydin

	 

	ÎZMÎR - Aktîvîsta heqê Heywanan Kerîman Sariturke dîyar kerde ke kutikan kenê 'hacet' gênê û dima ra kuçeyan de terkê qedere înan kenê û va zirarê ke seba xoza yenê dayîş zî girêdayîşê polîtîkayê dewlete yê.

	 

	Cinîyê endamê Weqfê Hetkarîya Komelî, Weşî û Perwerdê yê Derûdorî (ÇESAV) bale ancenê serê problemê kutikê kuçeyan de yê. Endama ÇESAVî Kerîman Sariturke da zanayîş ke bajarî her ke şinê pîl benê û warê cuyayîşê kutikan xesp kenê û seba hewesê merdiman ê wextêke kilm de derbaz beno zî, kenê hacet.

	 

	'Dinya de tena heqê cuyayîşê ê merdiman çin o'

	 

	Kerîmane dewamê qiseykerdişê xo de da zanayîş ke kesê seba betilnayîşî yenê Çeşme seba wextê ke kutikan gênê û dima ra zî erzenê kuçeyan û va: "Nê kutikî kuçeyan de werd nêvînenê û hetê kutikê bînan ra rastê şîdetî yenê. Ma kuçe bi kuçe mama vila kenê la qîm nêkeno. Stargehê şaredarîyê Çeşme esto la baş nêewnîyenê ci ra. Ma hedef kenê ke nê kesan bikerê wayîrê hişmendî. Qasê ke heqê ma cuyayîşî esto ê heywanan zî esto."

	 

	'Hewceyê heywanan warê zergûn esto'

	 

	Kerîmane peynîya qiseykerdişê xo de bale ante serê zirarê ke merdimî danê xoza û va hewceyê kutikan zî bi qasê domanan warê zergûnayî esto û va: "Bajarwanî bandure înan ser zî kerd. Merdimayî bi hawayêke xof verbi betonbîyayîşê şinê."