Dişminê xoza daranê Baxçeyê Zîraatî birnenê 

2018-04-15 11:25:20


	 

	AMED - Baxçeyê Zîraatê ke taxa Tekelî yê qezaya Farqînî de yo û wayîrê tarîxêke kan o bi desan darî yenê birnayîş û hema zî birnayîşê daran dewam keno.

	 

	Baxçeyê Zîraatê ke taxa Tekelê yê qezaya Farqînê Amedî de yo û wayîrê tarîxêke kan o bi desan darî yenê birnayîş û hema zî birnayîşê daran dewam keno. Derheqê nê de tu zanayîşêke fermî hetê rayedarê şaredarî ra nêameyo dayîş.

	 

	2015 de şar seba xo îdare bikero xoverdayîşêke da destpêkerdiş û no xoverdayîş heta Farqîn dewam kerd. Heto bîn ra sebebê xoverdayîşê xoser yew zî seba hêrişê sîstematîk  ke hemverê xozaya Kurdistanî ameyne kerdiş bi.

	 

	Wextê xoverdayîşê xoser de AKPî bi her tewir hêriş kerdêne û dimayê hêrişan heme şaredarî xesp kerd û waşt ke heqê vatişê şaran asteng bikero.

	 

	Qayûmê ke girêdayê îqtîdarê AKPî yê wexto ke newe dest bi kar kerd sere de hemverê xozaya Kurdistanî şerêke dayî destpêkerdiş. Nêzdîyê 5 aşmî ke Baxçeyê Zîraatî ke mintiqa de yo verê çiman de yenê birnayîş. Heto bîn ra awa lêşin ke cayê cîya yenê, benê sebebê nêweşîyan.

	 

	Semedo ke çopê eştişê newale hetê şaredarî ra nîno pakkerdiş beno sebebê boya xirab. Hemwelatîyê ke seba boya xirabe nêrehet ê vanê ke pereyê şaredarî estê labelê şaredarî tu xizmet nêkena. No semed ra zî hemwelatîyê Farqînî na rewşe ra gerre kenê.