Hemverê tedayan ganî torra vilakerdişî û çapemenîya kolektîf bêro awankerdiş 

2018-04-18 09:14:08


	 

	ÎZMÎR - Yew ci ra edîtora Weşanxaneyê Otonomî beşdarê Fuarê Kitaban ê Îzmîrî bî, Melîs Înane dîyar kerde ke fuar açernayê warê bazirganî û dîyar kerde ke Matbayê Gun, Aram û weşanxaneyê Çep ke ameyê desteserkerdiş fuar de çinyê û va hemverê hêrişan ganî torra kolektîf bêro awankerdiş.

	 

	23in Fuarê Kitaban ê Îzmîrî ke hetê TUYAPî ra ameyo amadekerdiş 14ê Nîsane de dest pêkerd. Fuar Warê Fuarî yê Îzmîrî yê Mîyanneteweyî (Kulturpark) ameyo awankerdiş do heta 22ê Nîsane dewam bikero. Yew ci ra edîtorê Weşanxaneyalê Otonomî beşdarê Fuarê Kitaban ê Îzmîrî bî, Melîs Înane, dîyar kerde ke fuar açernayê warê bazirganî û dîyar kerde ke Matbaya Gun, Aram û weşanxaneyê Çep ke ameyê desteserkerdiş fuar de çinyê û va hemverê hêrişan torra kolektîf bêro awankerdiş.

	 

	Melîse dîyar kerde ke mîyanê wextî de girseyê wendekaran zî cîya bîyo û merdimê ke girîngiyê fikr û zanayîş zî kêm bîyê û wina va: "Ma sey weşanxane wazenê xo biresnê wendekaran. Labelê fuar açeryayo warêke bazirganî. Verê wendekarê unîversîte ameyne. Ma yewbînan nas kerdêne û ma munaqeşe kerdêne. Ma hewl danê şîyayeyê xo yê tîya vejê la amancê ma qezenckerdişê pereyan nîyo. Ma wazenê kitabê ma bêrê wendiş."

	 

	‘Warê cuwîyayîşî yê weşanxaneyê şorişgêr ameyî tengkerdiş'

	 

	Melîse heto bîn ra bale ante ser tedayê weşanxaneyê şorişgêr û va warê cuwîyayîşê înan ameyê tengkerdiş û wina va: "Warêke wina Aram û Çep çinyê. Seba tedayê pîl serê înan de estê. La her serre ê bi standê pîl tîya bî. Xeylê cayan kitabê Aramî ame komkerdiş. Ma kitabê xo Gun Matba ra çap kerdêne. Ma pîya piştdayîş de bê. La nika ma mecburê matbayêke bîn bivînê. Hîrê lingê ke biresê verê wendekaran estê. Lingê çap û vilakerdişê binê teda de yê. Weşangerî xeylê zehmet o. Heme weşaxaneyê muxalîf eşkenê vilakerdiş û matba de torrêke kolektîf awan bikerê. Gerek endîşeyê bazirganî hetêk bêro verdayîş."