
DEDAŞ fatureyan roj bi roje zêde keno: Dewijî nêeşkenê bidê 

2018-04-20 11:38:49


	&nbsp;

	
		MÊRDÎN - Hemwelatîyê dewê Mêrdînî kewtî tarîtî, fatureyê ke roj bi roje yenê zêdekerdiş nêeşkenê bidê. Hemwelatîyan da zanayîş ke zamo ke seba ceyranî yeno kerdiş bi sebebê ‘ceyran kaçax yeno xebitnayîş' yeno nimtiş.
	
		&nbsp;
	
		Qezayê Artuklu, Qoser, Dêrik û Nisêbînê Mêrdînî de DEDAŞî ceyranê dewan birna û awe înan da vindarnayîş. Mexdurîyetê dewijan dewam keno. Her serre dewijan ra 10 qat zêde pere yeno waştiş û DEDAŞ bi nê caardişan xo mexdurbîyaye awan keno û dîyayîş ferz keno. Aşma peyîn de desan citkarî mabêne 80 û 100 hezar TL cezaya pereyê ceyranî ame birnayîş û hemwelatîyan va wina wazenê ke hemwelatiyan vêşan verdê. Heto bîn ra ekîbê DEDAŞî dew bi dewe geyrenê û bi sebebê ‘ceyranê kaçax xebitnenê' bi hezaran TL ceza hemwelatîyan rê birnenê.
	
		&nbsp;
	
		Hemwelatîya dewa Başakî, Hanîfe Bîlene dîyar kerde ke ê çar keyeyî eynî hêga cite kenê. La ameyê merheleya îflasî û wina va: "Wexto ke awe çin bo ma nêeşkenê sewelan ra biewnê. Ma nêeşkenê herra xo awe bidê. Ma vêşan manenê. Ma nêeşkenê deynê xo bidê. Ma do senîn nê perî bidê. Ma fatureyê xo dayne. La roj bi roje vayî zêde bî. Nêvanê ma çiqas xerc kerdo. Vayîke vanê û wazenê ma bidê."
	
		&nbsp;
	
		'Wazenê bê awe verdê'
	
		&nbsp;
	
		Hanîfe tewr peynî va ke seba nêeşkayê fatureyê ceyran bidê DEDAŞî ceyran birnaw û wina va: "Her wext tedayan serê ma de kenê. Vernîye ma de benê asteng. Ma keyeyê pîl ê. Ma tîya ra nêşinê. Ma nêeşkenê herre xo verdê û şêrê. Çi heqê to esto gazê îsotî erzenê. Ti tedayan kenê. Karê dewlete o yo ke virazno, xira nêkero. Şima awe bibirnê do se bo? Do citkarî vindî bikerê. Ma nêeşkenê wina temaşe bikerê."


	&nbsp;