
'Vernîgirewtişê suc û dayîşê ceza çîyê cîya yê' 

2018-04-21 09:41:42


	&nbsp;

	Şehrîban Aslan

	&nbsp;

	AMED - Endama DBP PMî Halîde Turkoglu dîyar kerde ke ganî projeyê qanûnê îstîsmaro zayendî ganî peyser bêro antiş û va ganî rêxistinê cinîyan têkoşînê xo hîra bikerê. Endama DBP PMî Halîde Turkoglu reaksîyon mojna projeyê qanûnê îstîsmaro zayendî yê AKPî amade kerd û ard meclîs de da.

	&nbsp;

	Halîde da zanayîş ke xesênayîşê kîmyayî çareserî rê wetayîr, sîstemê cezakerdişê yo û va vernîgirewtişê suc û ceza çîyê cîyayê, seba vernî ro suc bêro girewtiş ganî tedbîrî bêrê girewtiş.

	&nbsp;

	Halîde qiseykerdişê xo wina dewam kerde: "Domanê ke rastê îstîsmaro zayendî yenê gerek warê ke rehet xo îfade bikerê bibê. Ganî merkezê domanan û merkezê têkoşînê hemverê şîdetê zayendî bêrê awankerdiş. Tirkîya hetê Peymanê Heqê Domanê ê Neteweyê Yewbîyaye de gerek nê bikero."

	&nbsp;

	'Projeyêke îstîsmaro zayendî yê keyeyî de nimneno yo'

	&nbsp;

	Halîde ard ziwan ke îstîsmaro zayendî yê mîyanê keyeyî de babetêka komelîya û wina va: "Projeyê qanûnî de nêvanê îstîsmaro zayendî yê mîyanê keyeyî. No projeyêke îstîsmaro zayendî yê mîyanê keyeyî nimneno yo. Bi KHK û OHALî dir heme sazgeh û komeleyê cinîyan ameyî padayîş û stargehê şaredarîyê DBPî akerdibî zî amey padayîş. Padayîşê nê sazgehan zî mexdurê îstîsmaran tena verda. No semed ra ganî cinî têkoşînê xo hîra bikerê."

	&nbsp;