Betonê bajarî ra remenê pêşê keleyan de yenê têhet 

2018-04-22 11:38:11


	 

	Zeynep Durgut

	 

	WAN - Bi ameyîşê wisarî dir vaşê ke cayê tewr berz de bî pîl û bî zergûn. Cinîyê ke cayê tewr berz de vaşî ra feyde gênê, derûdorê kelaya Wanî de vaşê tewr baş kom kenê.

	 

	Bi ameyîşê mewsîmê wisarî dir vaş zî zergûn bî. Her serre cinîyê Serhedî mewsîmê wisarî de zozanê tewr baş û koyê tewr berz de vaşê tewr bi tehm kom kenê. Kelehê Wanî yê tarîxî de her serre vaşê ke seba weşîye merdiman baş ê zergûn benê. Nê vaşî hetê cinîyan ra yenê komkerdiş û mîyanê werdî de yenê xebitnayîş.

	 

	'Nê vaşê ke seba weşîye merdiman tewr baş ê, merdim eşkeno derûdorê kela de bivîno'

	 

	Maya bi nameyê Xanim Akbaşe ard ziwan ke ê vaş kom kenê, seba nêweşîyêke derman ê û va werdê giranan ra zêde ganî vaş bêrê xebitnayîş û wina va: "Mewsîmê wisarî ke ameyo heta nika ez, kêna xo û veyve xo pîya yenê vaş kom kenê. Ma qezaya Elbaxî ra yê. Bi 20 serrî yo ma merkezê Wanê de cuwîyenê. Semedo ke zozanî ameyî qedexekerdiş, ma warê vînayîşê vaşî û komkerdişê ci de zaf zehmetî ancenê. Vaş her ca de baş zergûn nêbeno, ma zî ça bibo ma şinê uca. Her serre taxê ke cinî yenê derûdorê kela û vaş kom kenê. Semedo ke nê vaşî seba weşîye merdiman baş ê. Merdim derûo kela de vîneno. Her roje cinî bi tûrikê xo derûdorê kela vaşê tewr baş û weş kom kenê. Mewsîmê wisarî de werdê ma heme vaş o. Ma vaş ra zaf hes kenê. Semedo ke merdim wexto vaş weno hem ganê merdimî şenik beno û hem zî şîfa yo."

	 

	'Vaşê wisarî vernîye nêweşîyan gêno'

	 

	Cinîya bi nameyê Halîme Durmuşe zî wina va: "Vaşê ke seba weşîya merdiman tewr baş ê, mew wisarî de virazênê. Merdim nêeşkeno her ca de vaşêke baş kom bikero. Ma cinîyê taxe her hewte di rey pîya yenê komkerdişê vaşî. Ganî merdim vaşê wisarî ra feyde bigîro. Semedo ke merdim wexto ke vaşê wisarî weno, vernîye nêweşîyan gêno. Eynî wextî de ma seba zimistanî zî vaş kom kenê."

	 

	'Ma hem seba seyran û hem zî seba vaş yenê tîya'

	 

	Eyşê Yagize bale ante ser girîngiyê vaşî û wina va: "Ma cinî pîya her wext seba seyran û hem zî seba komkerdişê vaşî yenê tîya. Mewsîmê wisarî de werdê ma heme vaşan yenê viraştiş. Mîyanê her werdêke ma de bêguman vaş esto. Cografya ma her het ra dewlemend a. Ma vaş wexto ke kom kenê ma seba zimistanî zî kom kenê û ma verê tîjî de wişk kenê û dima ra nimnenê ke xira nêbo. Vaş dermanê ma yo. No semed ra çiqas destê ma ra bêro ma hende zêde vaş borê."