Nêsibîn de TOKÎ teslîmê polîsan ameyî kerdiş 

2018-04-22 12:15:29


	 

	MÊRDÎN - Nisêbîn de dimayê xoverdayîşê îdareyê xoser de her ca ame talankerdiş û nika zî her ca de TOKÎ yenê viraştiş. 6 taxê ke TOKÎ ameyî viraştiş, cayê abîdeyê Newrozî ame rijnayîş zî dest bi viraştişê kuleyê saete ame kerdiş.

	 

	Nisêbînê Mêrdînî de mabêne serrê 2015-2016 de xoverdayîşê îdareyê xoser ame cuwîyayîş û dimayê pêrodayîşan rijnayîş ameyî destpêkerdiş. 6 taxan de pêrodayîş ame cuwîyayîş ameyî çinkerdiş û  4 taxan de bingehê TOKÎ amebi dayîş, di taxê bînan de zî hewteyê vîyarte de bingeh ame dayîş. 4 taxî nika derûdorê înan de TOKÎ yenê viraştiş û ame zanayîş ke her çar het hetê kamerayan ra ameyê dorpêçkerdiş.

	 

	Verê keyeyan qereqol û kamera

	 

	TOKÎyê ke 2017 de taxê Dîcle, Firat, Yenîşehîr û Abdulkadîrpaşa ameyî destpêkerdiş hema temam nêbîyê. Yeno pawitiş ke aşma gulane bêrê teslîmkerdiş û nika derûdor de awanî yenê viraştiş. Bi seyan keyeyî zî hema seba awanîyan îmza nêeştê. Awanîyê yew reng, yew tîp ameyê viraştiş tede camî zî estê. Heto bîn ra awe û ceyran nêameyê awanî. La nika de dorê înan girewtê. Dorê awanî mobese ameyî bicakerdiş û war de 3 qerekol zî estê.

	 

	Zeynel Abîdîn yeno talankerdiş

	 

	Taxê Zeynelabîdîn û Kişla zî hewteyê vîyarte de TOKÎ ame eştiş. Hewteyêke de cenazeyêke, muhîmat û hacetê keyeyan taxşiş. Yeno plankerdiş ke taxe ke nêzdîyê sînorî ya 2 hezar awanî bêrê viraştiş. Goreyê hemwelatîyan hema do xeylê cenaze û muhîmat taxe ra ameyê vetiş. Reyna ame zanayîş ke keyeyê ke TOKÎ qebûlkerdê û pereyê kirayê înan yenê dayîş zî do keyeyê ke tede cuwîyenê bêrê vetiş. Keyeyî wextê ke keyan teslîm bigîrê do seba şîyayeyan awanî û erseyê keyeyanê xo bi deyn bikoy keyeyanê xo.