Sereka Pêroyî ya SEPî Guneş Gumuş: Seba AKPî di aşmê krîtîk î 

2018-04-23 09:16:31


	 

	ENQERE - Sereka Pêroyî ya SEPî Guneş Gumuşe dîyar kerde ke pêwa heme mudaxaleyê ekonomî nêbaş ê û AKP kewto di aşmê krîtîk. Guneşe arde ziwan ke vatişê AKPî yê 'Îstîkrarî' zurêke ameya werimnayîş û va no beno ke ameyox de serê tercîhê rayan de bikero û no semed ra qerarê weçînayîşî rew ameyo girewtiş.

	 

	Seroka SEPî û pispora ekonomî Guneş Gumuşe krîzê ekonomî ke OHALî dir zêde bîyo û bandure weçînayîşê rew yê serê prosesî de şîrove kerde.

	 

	Guneşe dîyar kerde ke dimayê serra 2008an averşîyayîşê ekonomî yê bandure serê dinya kerda ameya cuwîyayîş û xeylê welatê ke Tirkîya zî mîyan de averşîyayîşê pere yê cidî ca ameyo û averşîyayîşê pere dir fêde girewtê. Guneşe dîyar kerde ke bi OHALî dir Tirkîya hetê ekonomî de tengbîyayîş cîyaya û va: "Ame vatiş ke Tirkîya de 2017 de girsbîyayîşê ekonomî ameya cuwîyayîş. Labelê rewşêke wina çin o."

	 

	'Xetiminayîşêke cidî xo mojneno ra'

	 

	Guneşe da zanayîş ke serra 2002 ra heta nika AKP bernameyê ekonomî ca ano, yeno amanckerdiş ke akerdişê îstîmlakkerdişî bigîrê û va destpêkê 2018 ra dima xetimnayîşêke cidî vejêno meydan.

	 

	Guneşe dewam de wina va: "Hetêke ra enflasyon û dovîz zêde benê û hetêk ra zî lîrayê Tirkan erjê xo vinî keno. Sektorê înşatî de xetimnayîşêke cidî yeno cuwîyayîş. Esnafî zî do rojê ameyox de tewr zêde bandure bibê. Xeylê şîrketan seba krediyê înan newe ra bêrê sererastkerdiş muracatê bankan kerdê. Pîlbîyayîş do goreyê serra vîyarte qij bimano. Nimûne serra ameyox de Tirkîya gerek nêzdîyê 100 mîlyar dolar pere bivîna."

	 

	Guneşe ard ziwan ke AKP 'Îstîkrarê' zurêke ameyo werimnayîş û va no zî eşkeno ameyox de bandure serê  tercîhê rayan bikero û no semed ra qerarê weçînayîşê rew ameyo girewtiş û Tirkîya kewta di aşmê krîtîk.