Keyeyê ke gorê domanê înan ameyî texrîbkerdiş: Ma bi înan serberz ê

2018-05-08 15:14:56


	 

	AMED - Keyeyê ke gorê domanê înan ê HPG û YPGyijê, Goristanê Yenîkoy Asrî rastê hêrişan ameyî, reaksîyon hemverê hedîseyan dayî û vatî: "Çi wazenê? Wexto ke çîyêke konê destê înan? Ma domananê xo ra şerm nêkenê, ma bi înan serberz ê."

	 

	Baglarê Amedî Goristanê Yenîkoyî de gorê aîdê endamê YPG û HPGî reyke bîn bî hedefê hêrişan. Verê zî gorê HPG û YPGyijan rastê hêrişan ameybî. Hewteyê vîyarte de keyeyê ke şî serê gorê domananê xo texrîbatê hemverê goran ameybî kerdiş dî.

	 

	Ozlem Guneşe dîyar kerde ke birayê aye Sadik Altun Licê de pêrodayîşan de c xo vinî kerdo û wina va: "Este, cenaze û beyreqa ma ra tersenê. Ma nê zulmî qebul nêkenê. Ma nê hêrişê şermezar kenê. Ez ameya serdayîş. Gor mîyanê herre de mendib. Ma ferq kerd ke nuştişê ser gorî ameyî pakkerdiş. Filamayê kesk, sor û zer ameybî wedartiş. Gelo çi wazenê. Wexto ke wina kenê çi kono destê înan?”

	 

	Maya Ridvan Eryilmazî yê YPGyijî, Rabîa Eryilmazî zî dîyar kerd ke cenazeyê lajê aye hîrê serî Goristanê Pirsûsî de mendo û wina va: "O wext şer xidarbi. Serê sînorê Kobanî de bi. Ma 7 cenaze defin kerd. Mi cenazeyê lajê xo bi destê xo defin kerdib la mi nêzanabi. Di aşmî ra dima zanayîşê şehadetê ey ame. Ez şîya serê gorê mi dî ke mi lajê xo defin kerdo. Yê ke rayan bidê AKP wa şerm bikerê. Wa banî rê estan ra rayan nêdê AKPî. Nêverdenê domanê ma gorê xo de zî rehet bê. Se kenê wa bikerê domanê ma cengawer ê. Ma domananê xo ra şerm nêkenê. Ma bi înan serberz ê."