Hemverê şîdetê cinîyan meşrû keno Blogê Reçel 

2018-05-09 09:15:43


	 

	Şehrîban Aslan/Duygu Cînîvîz

	AMED -Yew awankerdoxa Blogê Reçel Rumeysa Çamderelî dîyar kerde ke komelî de ewnîyayîşê dîn yeno awankerdoş û serê cinîyan de teda yenê awankerdiş û va bi no hewa dîn şaş yeno mojnarayîş. Rumeysa va bi ewnîyayîşê muslimantî verê xo danê problemê şîdetê serê cinîyan.

	Camêrdê ke binê nameyê dîn de her wext bi fetva û orgumanê dînî yê îqtîdarî cinî hepsê keyeyî kenê û qij vînenê. No zî reaksîyonê sey ‘bawerî na ya' Hemverê nê cinîyê ke xo musluman bi name kenê torra komelî ya bi nameyê ‘Blogê Reçelî’ de ameyî têhet û şîroveyê xo pare kenê.

	Blogê Reçelî ra Rumeysa Çamderelî dîyar kerde ke dîn şaş yeno mojnarayîş û no dir zî pêwake cinîyêke musluman a zî problemê pîl cuwîyena û va no semed ra no blog awan kerdê.

	Rumeysa da zanayîş ke wexto Hunerê Weşik wendêne vejyayîşê aye serê sahne seba sereyê aye girewte bîyo her wext nakokî ameyo vînayîş û va wexto lîsans wendêne qedexeyê sere girewtişî dewam kerdêne, la seba Unîversîteya Bogazîçî wendêne no qedexe tam tecrube nêkerdo. Rumeysa va: "Sereyê mi girewte mektebe qedya. Unîversîte de modelê cîya ca ardêne. Serê turbanê kapuşon xebitnayne û verê nê de piştdayîş dayne. 2008 de ez vejyaya ser sahne û ez rojnameyê Huriyet de bîya kapak. Na xebere mi dir şîyarêke viraşt. Semedo ke ez cinîyêke girewtebîya û vejyabîya serê sehne. No bi tena sereyê xo têkoşînêke cîya bi."

	Rumeysa da zanayîş ke wextê Êlul û Teşrîna verêne 2008 de rektorê unîversîta vuryaw û qedexeyê sere girewtişî zî dest pêkerdo û va o wext nêeşkay bikoy unîversîta.

	Rumeysa heto bîn ra arde ziwan ke bi ekîbêke komêke derdûdorê aye cinîyê femînîst ameyne meydan de xo rêxistin kerdo û o wext persê sey 'muslimantî de femînîzm kam mabêne de vindeno', ‘cuyake femînîst mimkin o gelo?’ munaqeşe kerdê.

	'Ma bi şîroveyê muslumanî verê xo da problemî'

	Rumeysa beşdarbîyayîşê xo yê 'Însiyatîfê Muslumanê Hemverê Şîdetê serê Cinîyan' wina va: "Ma waşt ma bi şîroveyê muslumanî verê xo bidê problemê şîdetê serê cinîyan, têbigeyrê. Wextêke zehmet seba ma virazya. Vatêne ma çîyê teberê muslumanî kenê. Dima ra ma qerarê awankerdişê blog û rojeva xo da. Bi no hewa ma blogê Reçel awan kerd."