Cinîyê Riha do cewab bidê kesê qezencê înan xesp kenê 

2018-05-09 09:17:47


	 

	RIHA - Cinîyê HDPî Riha de amadekarîyê weçînayîşê bê mabên dewam kenê û vatî do sey yew bi yew şêrê verê beran. Hemsereka DBPî ya Riha Sema Aîşeoglu va do hemverê xespkerdişê qezencê cinîyan nê weçînayîşî de cewab bidê.

	Riha de cinî bi hewayêke aktîf xebatê weçînayîşê meşnenê. Hemsereka DBPî ê Riha Sema Aîşeoglu derheqê amadekarîyan de qisey kerde û va do xebatê weçînayîşî yê HDPî de ca bigîrê û va do pernasnamebîyayîşê Riha verê çiman de bigîrê û xebatan bimeşnê. Sema nê çî va: "Heqê ke ma bi têkoşînê serran bi dest kerdî bi KHKyan destê ma girewtî. Qayûm tayîn kerdî û hemserekê ma wezîfeyê girewtî. Mudurîyê cinîyan ameyî padayîş. Nika xebatê cinîyan asteng kerdê û hewl danê qezancan çin bikerê."

	'Ganî problemê cinîyan bêrê çareserkerdiş’

	Sema dewam de vatişê xo de da zanayîş ke cinîyê multecî yê seba şerê Sûrîye koç kerdê zî problemê pîl cuwîyenê û wina va: "Ez sey cinîyêke Ereb, vana ke gerek ma destê xo bidê cinîyê koçber bîyê. Camêrdî mexdurîyetê cinîyan ra fêde gênê û zaf zewac kenê. Xeylê problemêke multecî cinî cuwîyenê estê.

	Sema tewr peynî qiseykerdişê xo de da zanayîş ke do prosesê weçînayîş û dimayê weçînayîşî de yew bi yew dest bidê probleman û va do bi cinîyê HDPî dir yew bi yew şêrê verê cinîyan. Sema veng da heme cinîyan kerd ke bibê yew û no sîstemî ra vajê nê.