'Mêrdîn do zafrengîyê xo 24ê Nîsane de bimojno ra' 

2018-05-10 14:19:06


	 

	MÊRDÎN - Zafrengîyê Mêrdînî muracatê namzedî de zî xo da mojnarayîş û cinîyê Mêrdînî bi ruhê 7ê Hezîrane amadekarîyê weçînayîşî kenê.

	 

	Mêrdîn seba vernamzedîyê HDPî muracat yenê kerdiş. Do Nisêbîn de yew Qoser de zî yew buroyê cinîyan yê seba weçînayîşî bêrê akerdiş. Cinîyan da zanayîş ke do bi coş bixebityê û vengdayîşê beşdarbîyayîşê xebatan her kesî ame kerdiş.

	 

	'Ma do bi ruhê 7ê Hezîrane xo amade bikerê'

	 

	Felek Fîdana ke yew îdarekara HDPî merkezî ya dîyar kerde ke do Mêrdîn bi zafrengî û zaf kulturî xo weçînayîş de bimojno ra û wina va: "Ma bi ruhê 7ê Hezîrane xo seba weçînayîşê 24ê Hezîrane amade kenê. Muracatê namzedî zî zafrengîyê xo veto meydan. No zî qezencê paradîgmayê xîtapê HDPî yê seba heme hetan o. Şertê OHALî de û prosesê di aşman de weçînayîş ro ma rê yeno ferzkerdiş û ma do cewabê xo 24ê Hezîrane de bidê."

	 

	'Ma do bi tilîlîyê xo beşdar bê'

	 

	Feleke ard ziwan ke dimayê buroyê weçînayîşî dima kuçe bi kuçe  bigeyrê û xo biresnê şarî û nê çî vatî: "Ma do Nisêbîn de buroyêke weçînayîşî yê cinîyan akerê. A bîne zî do Qoser de bo. Ma cinî ma do bi tilîlî, kilam û vengê xo beşdarê xebatan bibê. Ma veng danê heme şarê Mêrdînî kenê ke bi ruhê piştdayîşî proses derbaz bikerê."

	 

	'Ma do bi coş û bi rengê xo kuçeyan de bê'

	 

	Hemsereka HDPî ya Mêrdînî Eylem Amake zî bale ante ser zafrengîyê Mêrdînî û qiseykerdişê xo wina dewam kerde: "No seba ma îmkanêke pîl o. Ma yewin partîya ke heme şaran anê têhet ê. No profîlo rengîn ê Mêrdînî profîlê HDPî yê rengîn mojneno ra. Ma sey cinî bi heme hêz, tilîlî û coşê xo beşdarê weçînayîşî bibê. Ma do kuçe bi kuçe, ber bi ber bigeyrê û xo biresnê cinîyan."