'Xeyalê mi qedîyay la krîzê ekonomî nêqedîyay' 

2018-05-10 15:11:21


	 

	Safiye Alagaş

	 

	AMED - Turkan Dunya ke bi viraştişê nanê tewqe debara xo kena, dîyar kerde ke seba krîzê domanîya ra xeyalê aye zî çin bîyê û va nika reyna seba krîzî nêeşkena xo rê dukanêke qij akero.

	 

	Turkan Dunyaya 50 serrî, serê tezgahêke de bi viraştişê nanê tewqe debara xo kena. Turkane ke domanîya xo de seba ekonomî nêwenda, dîyar kena ke seba krîzê ekonomî her wext xeyalê aye ameyê taloqkerdiş.

	 

	Turkane ard ziwan ke bi serran o seba debara xo bikero xeylê karan de xebityaya û va: "Krîzî bandure ser herkesî kerdo. Wa kes nêvajo ma debara xo kenê. Xo xapênenê. Kesê ke zaf xebityenê zî nêeşkenê debara xo bikerê. Ez qijî ra xebityena. Heta destê mi ra ame mi domanê xo dayî wendiş la nika ê zî kar nêvînenê."

	 

	'Ez do senîn debara xo bikerî'

	 

	Turkane dewam de da zanayîş ke krîz seba kesê Tirkîya ray benê ca amew û wina va: "Bi serrêke û nîm o ez binê şertê giranan de binê vartî de 5 nanê tewqe roşena. Ez do senîn debara xo bikerî. Tirkîya de her wext krîzê ekonomî bi. No semed ra mi her wext xeyalê xo taloq kerdî. Ez nika wazena dikanêke qij akerî la semedê krîzî ez nêeşkena."