'Cuya azad do bi destê cinîyan bêro awankerdiş' 

2018-05-10 15:51:50


	 

	ŞEHBA - Çarçeweya kampanyaya sere wedarne Kongreya Star dest bi rêzeçalakîyan kerd. Mintiqaya Şehba de kombîyayîş ameyî viraştiş û kombîyayîş de perspektîfê Kongreya Star ame wendiş. Cinîyê ke beşdarê rêzeçalakîyan benê ardî ziwan ke ê do bi hêz û îradeyê xo yê azad têkoşîn bikerê û rayîr nêdê dagirkerdişê îqtîdaran. 

	 

	Çarçeweya kampanyaya sere wedarne de Kongreya Star dest bi rêzeçalakîyan kerde. Dewa Babilisî yê qezaya Fafînê yê Mintiqaya Şehba de kombîyayîş ameyî viraştiş û kombîyayîş de perspektîfê Kongreya Starî ameyî wendiş. Cinî bi coşêke pîl beşdarê rêzeçalakîyan benê. Cinîyê ke beşdarê kombîyayîşan û rêzeçalakîyan bî ardî ziwan ke cuya azad bi destê cinîyan bêro awankerdiş.

	 

	Hêvî Mustafa dîyar kerde ke do qetî hêzê dagirker nêeşkê îradeyê înan azad teslîm bigîrê û va: "Şarê Efrînî ke wayîrê ruhê xoverdayox ê, sere nêtewênay. Ma sey cinîyê wayîrê îradeyê azad sere nêtewenê û ma do rêçe Avesta û Arînan de bîyayîş û azadîya xo bipawê."

	 

	 'Wa tu kes hesabê şaş serê ma de nêkerê'

	 

	Hêvî da zanayîş ke ê destûr nêdanê ke kesêke serê înan de hesabê şaş bikero û wina va: "Bi hêrişê serê Efrînî waştî ke îradeyê ma teslîm bigîrê û hesabê lêşin waştî serê ma de bimeşnê. La mi destûr nêda nê çî. Ma do sey cinî her wext têkoşîn bikerê rêzeçalikîyê xo yê çarçeweya kampanyaya sere wedarne dewam bikerê û xo aver berê."

	 

	Heto bînra xeylê cinîyê ke çarçeweya kampanya sere wedarne beşdarê kombîyayîş bî ardî ziwan ke ê do heta peynî xover bidê û rayîr zulm û tedayê îqtîdaran anêkerê.