'Elewî do kîşte kesê ke qetil kerdê nêbê 

2018-05-11 10:17:35


	 

	 

	STENBOL- Endama HDP PM û parlamentera verê Çîlem Kuçukkeleşe bale ante ser xesasiyetê komelê Elewî û dîyar kerde ke Elewî do verê kesê Sêwas veşnayê, Mereş de qetil kerdê ca nêgîrê û 24ê Hezîrane de zî tercîhê xo no het ra bixebitnê.

	Endama HDP PM û parlamentera verê ya Mersînî Çîlem Kuçukkeleşe derheqê weçînayîşê 24ê Hezîrane de û tercîhê Elewiyan de şîrove kerde. Çîleme da zanayîş ke Elewî her wext kîşte mazluman de bîyê û no semed ra zî do seba serkewtişê HDPî bixebityê.

	'Berpirsîyarê qirkerdişê Sêwas û Mereşî bî yew'

	Çîleme da zanayîş ke AKP û MHP tifaqê de yê û gonîya Elewîyan destê MHPî de ya û wina va: "Babeta AKP û MHPî yo ke qetî lêborîn nêwaşto esto. MHP qirkerdişê Mereşî ra berpirsîyar o. AKP partîyoke rolê ey qirkerdişê Sêwasî de esto. Tifaqê Netew yê CHP, ÎYÎ partî, Saadet û Demokrat awan kerdo zî persnîşanê pîl hewênenê. Ma zanê ke Karamollaoglu adetê sîyasetêke sî vernîya Sêwasî de daw ro. Hişê Elewîyan de rêçe nêbaş ê heme partîyan esto."

	'Vernîhukmê  CHPî hemverê HDPî çira?'

	Çîleme ard ziwan ke hetê Elewîyan de rastîyêke CHPî esto û va: "Vernîhukmê CHPî yê hemver HDPî çira esto gelo? Hetê komelê Elewî de perso tewr pîl persneno û perso ke heqdar o. Bi hîrê serrî tewr zêde partîya ke bedel daya HDP yo.  Nûkteya hempar ê Elewîyan verê  mazluman de ca girewtiş o. Gelo çira HDP tifaq de ca nêgîno. Ez seba heme partîyê sîyasî pêşnîyar kena. Problemo tewr cidî sey îqtîdar meşnayîşê sîyasetî yo. Heme muxalefetê sey AKP waşt HDP sindoqan de vindî bikero. Nê rayîrî tercîh kerdî. La do Elewî nêrê nê rayîrî. Yê Sêwasî bi gane veşnayî eşkenê sîyaset bikerê. Do cewabê ci sindoqan de bidê. Do verê kesê Sêwasî veşnayî de ca nêgîrê."