Derya Hazar:Aştîyê Îmarî do aştî nê kaos awan bikero 

2018-05-11 10:23:07


	 

	Melîke Aydin

	ÎZMÎR- Plansazkerdişê Bajarî Derya Hazare dîyar kerde ke 'aştîya îmarî' AKPî seba weçînayîşî era kerdo, esasê xo de do alozîyê bajarî tewr zêde bikero û va: "Heta ewro 14 rey efûyê îmarî vejya la sera 70 awanî kaçax ê. Çîyo ke sey Aştîya Îmarî yeno mojnarayîş zî esasê xo de kaos awan keno."

	Verê weçînayîşê 24ê Hezîrane serekwezîr Bînalî Yildirimî dîyar kerd ke do 'sererastkerdişê aştîya îmarî' bikerê. Şubeyê Odaya Plansazkerdişê Bajarî TMMOBî Derya Hazare da zanayîş ke efûyê îmarî yeno manaya ke xoza, mêrg, daristan û qeraxî awanîyan rê yenê akerdiş.

	Deryaye va nê caardişî vernî de vernî alozîyê plankerdişê bajarî akeno û va binê nameyê 'aştîya îmarî’ de xozaya ma û bajarê ma yenê talankerdiş. Deryaye wina dewam kerde: "Ma vatişê 'aştîya îmarî’ îronî vînenê. Ez konseptê aştî balkêş vînena. Efûyê îmarî xêrcê kronîkerdişê probleman wetayîr nîyo. Ma fikrîyenê ke caardişî hetê ekonomî de yenê kerdiş. Çapemenî de vatişê sey mabêne 48 û 68 mîlyar vuryenê yenê vatiş. No nêzdîkerdişê esasê krîzê ma tede yê."

	'Vatişêke manîpulatîf o'

	Derya dewam de ard ziwan ke heta nika 14 rey efûyê îmarî vejyayo la serra 70 awanîyê kaçax ê û va çîyê ke sey aştîya îmarî yenê mojnarayîş zî aştî nîya do kaos awan bikerê. Derya da zanayîş ke aştîya îmarî zî vatişêke manpulatîf a.

	Derya va ke 14ê Gulane de derheqê babete de Salona Sînemaya Konak a Merkezê Kulturê Nazim Hîkmetî de  panelêke viraznenê û vengdayîşê beşdarbîyayîşî kerde.