Avûkat Asli Pasînlî: Projeyê îstîsmaro zayendî probleman nimneno 

2018-05-12 14:11:28


	 

	AMED - Avûkat Asli Pasînlî dîyar kerde ke projeyê îstîsmaro zayendî de yeno pêşniyarkerdiş ke qeydê heme xeberan Merkezê Taqîbkerdişê Domanan bigîrê wina va: "ÇÎMan bi pêroyî de sîstem nêdayo roniştiş. Zêdekerdişê barê înan do sîstemêke aloz vejo meydan. Seba înfîalê raya pêroyî de bêro vindertiş, zêdekerdişê ceza, yeno manaya ke no problem bêro nimtiş."

	 

	Avûkat Asli Pasînlî projeyê îstîsmaro zayendî ke xeylê sererastkerdişê 'Fuhuş de zêdekerdişê cezaya pere, goreyê emrê zêdekerdişê ceza, qedexeyê çapemenî û xesênîyayîşê kîmyayî' ca gêno, şîrove kerde û va esasê ke vernî îstîsmaro zayendî gêno yeno peygoşkerdiş.

	 

	Asli da zanayîş ke wextê amadekerdişê projeyî gerek bi ewnîyayîşêke pêroyî yê psîkologê domanan, pedagog, endamê hukmî, pisporê xizmetê komelî, pisporê tipê edlî û lingê çapemenîye biameyne amadekerdiş û wina va: "Babeta îstîsmaro zayendî babetêke komelî û no semed ra çareserkerdişê do tena bi zêdekerdişê ceza nêbo. Gerek bandurê binê sucî de bêrê vînayîş û nukteyê çareserî bêrê dîyarkerdiş."

	 

	‘Yeno manaya nimtişê problemî'

	 

	Asl dewam de wina va: "Seba înfîalî raya pêroyî de bêro vindertiş, zêdekerdişê ceza, yeno manaya ke no problem bêro nimtiş. Ganî bingeyê kultur-komelî yê komelî bêro cêgirayîş û çareserî bêro kerdiş. Tirkiya de verê zî vurnayîşê qanûnî ameyê kerdiş. 2004,2014 û 2016an de vurnayîşê qanûnî ameyî kerdiş û bi ceza dir ameyî zêdekerdiş, la no çareserî nîyo. Zêdekerdişê cezayan sûc asan keno. Yew ci ra bandurê ke sucê îstîsmarê zayendî meydan ra wedarneno o yo ke mexdurîyet bêro kêmkerdiş, delîl bêrê komkerdiş, şahid bêrê pawitiş û profîlê welatiyê ke rastê astengîyê burokrasî nînê vejyê meydan. Heto bîn ra xesênayîşê kîmyayî zî çareser nîyo."

	 

	‘Qedexeyê çapemenî do xesasîyet çin bikero'

	 

	Asli bale ante ser qedexeyê çapemenî zî va no dir na dewa kontrol û zanayîşê komelî ra dûr bikoy û xesasîyetê komelî çin bibê. Asli tewr peynî de dîyar kerde ke proje de yeno vatiş ke gerek çerçeweya Merkezê Taqîbkerdişê Domanan bêro hîrakerdiş û wina va: "ÇÎMan bi pêroyî de nêdayê roniştiş. Zêdekerdişê barê înan do sîstemêke aloz vejo meydan."