'Ma do xoverdayîşê 90an şêrê 24ê Hezîrane' 

2018-05-13 10:01:46


	 

	MÊRDÎN- Nisêbîno ke Newrozê 92an  heta îdareyê xoser nameyê xo tarîxê xoverdayîşî nuşt, seba 24ê Hezîrane amadekarîyan keno û cinîyan va do bi eynî ruhî şêrê serê sindoqan.

	 

	Startê weçînayîşê Nisêbînî ame dayîş û Mêrdîn de 16 ci ra cinî 86 kesî seba namzedî muracat kerdî. Nisêbîn de cinîyan dîyar kerde ke seba weçînayîşî yewin rayîr xoverdayîş o.

	 

	Ziynet Algane da zanayîş ke Nisêbîn de serra 90 heta nika hemverê polîtîkayê teda xover dayo û sere nêtewênayê û wina va: "Ma do 24ê Hezîrane de zî bimojnê ke cinî binê nê çî ra wirzê. Serrê 90an ra heta nika teda estê. A roje ra heta nika şarê Kurd xo ver danê. Do nê xoverdayîşê tarîxî 24ê Hezîrane de zî bimojno ra."

	 

	‘Do wayîr îradeyê xo vejyê'

	 

	Turkan Alamane zî da zanayîş ke şarê Nisêbînî bedelê pîlî dayê û va: "Rojê weşî vernîye ma de yê. Ma do nê prosesê ra zî bi hawayêke tewr baş vejyê. Ma do hemverê zulmî xo ver bidê. Nisêbîn nê prosesî de bedelê pîl dayî. Ma do wayîrê bedel, ciwan û gonîya xo vejyê. Do şarê Nisêbînî wayîr îrade û tarîxê xo vejyê."

	 

	Sîdar Aysane zî arde ziwan ke do wayîr îradeyê xo vejyê û va wa yew rayêke înan nêşiro cayêke bîn û heme HDPî rê bê. Sîdare bale ante serê têkoşînê cinîyê Nisêbînî û va înan qetî sere nêtewênayê û do nêtewênê.