
'Ma do cewabê xo yê seba rejîmê yew mêrdekî 24ê Hezîrane de bidê' 

2018-05-14 09:24:38


	&nbsp;

	AMED- Cinîyan dîyar kerd ke do 24ê Hezîrane de bibê cewabê hemverê rejîmê yew mêrdekî û wina vatî: "Seba ma tifaqê AKP û MHPî bidê vindîkerdiş ma 24ê Hezîrane de bibê yew. No prosesê ke krîzê ekonomî vejyayo merhelaya tewr cor, weçînayîşo rew seba serê rastîyan bigirê kenê."

	&nbsp;

	Gorey serrnameyê YSKî weçînayîşê serekomarî û weçînayîşê pêroyî yê parlamenterî yê demê 27in ke gerek 3ê Teşrîna Peyêne 2019 de biameyne kerdiş, bi tifaqê AKP û MHPî girewtî tarîxêke rew. Weçînitoxan reaksîyon weçînayîşo ke do binê OHALî de bêro kerdiş mojnay ra û vatî do 24ê Hezîrane de cewab bidê rejîmê yew kesî.

	&nbsp;

	'Hukmat kewto quncik'

	&nbsp;

	Ayfer Yorgune bale ante ser weçînayîşan û va hukmat ke kewto quncik û wina va: "AKP ameyoxê tu wendekarî nêfikrîyeno. Krîzê ekonomî zî nêvînenê û bi ameyoxê şarî dir kay kenê. Ma zanê qeraro rastê weçînayîş de çî yo. Na go re ra ma do helwestê xo bigîrê."

	&nbsp;

	'Ma hedef kenê ke bibê cewabê yew mêrdekî'

	&nbsp;

	Mamoste Belgîn Gulbena ke ameya îxrackerdiş zî va binê OHALî de kerdişê weçînayîşî adîlane nîyo û wina va: "Weçînayîşê vîyarte de rayî ameyê diznayîş. &nbsp;Konseptê îdareyê welatî sîstemê parlamenterî yo û demokrasî yo la çîyêk wina çin o. Ma nika bi rejîmê yew kesî dir rî bi rî yê. No semed ra ma zanê ke weçînayîş demokratîk nîyo. Reyna zî ma mamoste, karker û kedkar do hemverê rejîmê yew mêrdekî de bibê cewab."

	&nbsp;

	'Hewl danê serê rastîyan binimnê'

	&nbsp;

	Zeynep Akbudake zî bale ante serê şîdet û kiştişê cinîyan û arde ziwan ke serê cinîyan de qirkerdiş yeno kerdiş û sucê îstîsmaro zayendî roj bi roje zêde benê. Zeynebe eynî wextî de va ke AKP serê cinîyan de hem şîdetê psîkolojîk û hem zî fîzîkî meşneno û proseso ke krîzê ekonomî yeno meşnayîş de bi no weçînayîşî dir hewl danê serê rastîyan binimnê.

	&nbsp;

	Yuksel Tekînavci zî da zanayîş ke weçînayîşê rew lezgînî kewto rojeve û wina va: "Xeylê hesabê lêşin meydan de geyrenê. AKP her kesê ke ey ra nêbê tebera verdeno. &nbsp;Kurd, Elewî, cinî û heme hetê bîn dano kîşte bîne. Hema hema heme çimeyê welat seba weçînayîşî ameyê seferberkerdiş."

	&nbsp;