Domanê Efrînijî fek ziwanê Kurdî ra vera nêdanê 

2018-05-15 10:32:53


	 

	Tolîn Muhemed-Lîlav Elî

	 

	ŞEHBA - Netîceyê hêrişê dewleta tirkî û OSOyî de şarê Efrînî Kantonê Şehbayî de bi ca bî û uca de xoverdayîşê xo dewam kenê. Domanê Efrînijî yê Kantonê Şehba de pêwa heme zehmetîyan wayîrê ziwanê xo Kurdî vejênê û perwerde xwedî derdikevin û perwerdeyê vînenê.

	 

	Netîceyê hêrişê dewleta tirkî û OSOyî de şarê Efrînî Kantonê Şehbayî de bi ca bî û uca de xoverdayîşê xo dewam kenê. Domanê Efrînijî yê Kantonê Şehba de pêwa heme zehmetîyan ziwanê Kurdî rê wayîr vejênê û perwerde vînenê. Domanê Efrînijî Kampa Xoverdayîşî yê ro Kantonê Şehba de xo ver danê û ziwanê dayîke rê wayîr vejênê. Domanê Efrînijan vatî: "Erdogan katil o. Ey nêverda ma mektebanê xo de biwanê. Mektebê ma weşênayî. La ma reyna zî wayîrê ziwanê xo vejênê."

	 

	Wendekara sinifa 6ine Mufîde Hemdî dîyar kerde ke ziwanê dayîke rûmet o û va: "Erdogan û çeteyê ey bi seyan domanan qetil kerdî. Mektebê ma rijnayî û nêverda ke ma biwanê. La ma nika ro Şehba de bi xêrê têkoşînê şarê Kurd bi ziwanê Kurdî perwerde vînenê û ma no semed ra xeylê kêfweş ê. Erdogan xeyalê ma rijna. Ma wazenê reyna ageyrê Efrînê xo û uca de perwerdeyê xo bivînê. Ma wazenê Erdogan şêro."

	 

	'Ziwanê ma bîyayîşê ma yo' 

	 

	Rêzan Hebîbî zî ard ziwan ke seba bîyayîşê xo ganî merdim sere de ziwanê dayîke xo bipawo û wina va: "Erdogan Efrîn de hem hêrişê herra ma û hem zî hêrişê ziwanê ma kerd. La ma reyna zî fek ziwanê xo vera nêda. Ziwanê ma bîyayîşê ma yo. Ganî sere de ma wayîr bîyayîşê xo vejyê."

	 

	'Erdogan nêeşkeno ma ziwanê dayîka ma rra dûr bifîno'

	 

	Meryem Muhammede dîyar kerde ke ê do heta peynî wayîr ziwanê xo vejyê û va: "Erdogan bi gonîya ma xo wey keno. Erdogan nêwazeno ma bi ziwanê dayîka xo perwerde bivînê. Ma dejê ke  Erdogan bi domanê Kurdan dayo cuwîyayîş xo vîr ra nêkenê. O se bikero wa bikero do nêeşko ma ziwanê dayîka ma ra dûr bifîno."

	 

	Eynî wextî de mamosteya sinifa 6in Ufê Reşîde zî va: "Senîn ma Efrîn de perwerde dayne domanan û ziwanê dayîke rê xizmet kerdêne, ma ewro zî Şehba de xizmetê ziwanê dayîke xo kenê. Ma serberz ê. Dewleta tirkî wazena nasname û ziwanê  Kurdî çin bikero la heme dinya dî ke ê nêeşkenê ziwan û nasnameyê Kurdî çin bikerê. Ma sey şarê Kurd heta nika kesêke desteser nêkerd û hêrişê ziwanê tu kesî ma nêkerd. Ma bi serran o ke ziwanê xo wayîr vejênê û rêzdarî danê ziwanê bînan."