Ez bi piştdayîşê cinîyan serê lingan de vinderta 

2018-05-15 11:13:52


	 

	Melîke Aydin

	 

	ÎZMÎR - Fatma Kurbana ke Soma de mêrdeyê xo vindî kerde, dîyar kerde ke cinîyê ke mêrdeyê xo vindî kerdê sey ‘jinebîyê dewlemend’ yenê vînayîş û tedayê pîl yenê awankerdiş û wina va: "Dimayê ke mi dest bi xebate kerde, mi dî ke cinî bi piştdayîşê mêrdan eşkenê bicuwîyê. Ez nêwazena sey kesêke mêrdeyê aye merdo, sey Fatma estbî."

	 

	Manîsa Soma de 301 karkerê madenî cuya xo vindî kerdibî û yew înan ra zî Niyazî Kurban bi. Cinîya ey Fatma Kurbane dîyar kerde ke dimayê hedîse mabêne keye, derûdor û dewlete de menda û va bi piştdayîşê cinîyan serê linganê xo de menda.

	 

	Fatma arde ziwan ke aye fek Dewaya Soma ra vera nêdana û va verê têkoşînê huqûqî de hemverê vernîhukm yê komelî û keyeyî zî têkoşîn kena. Fatma dimayê ke mêrdeyê aye mireno, şina verê keyeyî û 7 aşmî ra dima aye bi zor zewecnenê. Fatma wina vana: "Ez bi keyeyî dir problem cuwîya ya. Vatêne 'ti jinebî ya no semed ra ti tena nêeşkena vejyê sûke. Do derûdor ma ra vajo çi?' Mi 6-7 aşmî no problemî cuya ya. Psîkolojîyê mi xira bibi. Mi zî va ez bizewicyê do kes mi ra çîyêk nêvajo. Pêwa ke mi nêwaşt zî înan ez zewicnawa. Wexto ke mêrdeyê mi cuya xo vindî kerd, ez bi domana xo ya 14 aşmî dir şîya Balikesîr.”

	 

	Bi piştdayîş destpêkê cuyake newe

	 

	Fatma arde ziwan ke aye aşma 5ine de zewacê xo de problem cuyaya û semedo ke mêrdeyê aye lajê aye 5 serre nêwaşto di rey şîya verê keyeyê xo û va reya hîrên Somayî de Komeleyê Heqê Komelî Gulsum Hacioglu nas kerda û wina va: "Mêrdeyê min o peyîn Ergun da domanê mi ro. Mi zî va 'ti çira danê piro?' dima ra ey da mi ro zî. Ez zî SOHADERî geyraya û înan mi pawit. Ez nêşîne verê keyeyê xo zî. Pîyê mi vatêne qey mi camêrdê ke bîn dîyo û ez ey dir remaya. Ez camêrdêke ra remayne. Ez do camêrdê bîn se bikerî? Ez seba lajê xo têkoşîn kena. Ma uca de bimendêne psîkolîjyê domanê mi xira bibayne."

	 

	Fatma dewamê qiseykerdişê xo de da zanayîş ke dimayê prosesê veradayîşî keyeyê embazanê xo de menda û piştdayîşê ke keyeyo ke ameyo awankerdiş bi ca bîya û dest bi xebate kerda.  Fatma dimayê veradayîşî ehlîyet girewta û wesayît girewta û wina va: "Dimayê ke mêrdeyê mi merd dewlete meaşê jinebîyan da mi. Seba domanê mi zî meaş yeno dayîş. Nasnameyê mi de jinebî yeno nuştiş. Na çekuye weşê mi nêşina. Ez wazena sey Fatma estbî. Nêwazena bi meaşê mêrdeyê xo merde bêrî zanayîş. Dimayê ke mi dest bi xebate kerde, mi dî ke cinî bê piştdayîşê mêrde zî eşkenê bicuwîyê."