Torra Pawitişê cinîyan do ezberan xira bikerê 

2018-05-17 09:22:19


	 

	Evrîm Kepenek

	 

	STENBOL - Torra Pawitişê Cinîyan yê bi vatişê 'cinî cinîyan pawenê' vejya rayîr û wina vatî: "Vengdayîşê mi seba cinîyan esta. Cinî cinîyan goşdar kenê, cinî cinîyan fam kenê. Tu cinî tena nîya. Ma her wext cinîyan bipawê."

	 

	Wendakarê unîversîteya Çagla Akdere û Gokçîçek Korkmaza ke ezberan derheqê cinîyan de xira bikerê vejyayî rayîr û bi komêke cinîyan dir Torra Pawitişê Cinîyan awan kerdê. Her ke cinîyan dîyar kerdî ke wa qetî tu cinî xo tena hîs nêkê û wextê cinîyêke verê şima de bibo û neheqîyêke serê înan de bêveng memane û têkoşîn bike.

	 

	Çagla dîyar kerde ke ê seba cinîyan bipawê kewtêê rayîr û serrêke seba Torra Pawitişê Cinîyan awan bibo hewl danê û va bedenê cinîyan hem warê îstîmlakkerdişî de û di het de bedenê înan binê tehdîdî de yo. Çagla wina va: "Çalakîya ke Stenbol de kafeyêke de dimayê tacîzê  zayendî vejya meydan û reyna çalakîyê bîn yê cinî yew bînan pawenê bandûre serê ma de kerde. Xeylê girîng o ke cinî yewbînan bipawê. Verê lazimîyê torra pawitişê cewherî yê femînîstan zî estbo."

	 

	'Ma waştişê cinîyan goşdar kerde'

	 

	Çaglaye va dimayê qerarê akerdişê torra pawitişê dayê xeylê bajarê Tirkîya cigêrayîşê 'cinî çi wazenê?' ca ardê û va înan qert cinîyan rê vila kerdê, cinîyan ra waştê ke waştişê xo nê qertan de binusnê. Çaglaye va înan bi nê waştişê xo cinîyan goşdarî kerdê. Ma wazenê veng bidê cinîyan. Xêrcê cinîyan kes cinîyan fam nêkeno. Cinî eşkenê yewbînan fam bikerê. Yê ke bibê derman çin ê.

	 

	Seba çalakîya 'şewî yê ma yê' eleqeyêke pîl

	 

	Gokçeçîçêk Korkmaze zî da zanayîş ke bi taybet çalakîyê înan yê hemverê tacîzê otobusan eleqeyêke pîl vînayê û va çalakîya bi sloganê 'şewî ê ma yê' dayê destpêkerdiş zî rastê piştdayîşêke pîl ameyî. Gokçeçîçeke veng da cinîyan bêrê têhet Torra Pawitişê Cinîyan pêş berê û hemverê zîhnîyetê serdest yê camêrdan têkoşîn bikerê.