
Gulîstan Kiliç Koçyîgît: Vatişê cinîyan do heme çî bivurno 

2018-05-17 09:23:09


	&nbsp;

	ENQERE- Hemverfeka HDKî Gulîstan Kiliç Koçyîgîte dîyar kerde ke ganî 24ê Hezîrane vetişê tunelî bêro şîrovekerdiş û wina va: "Muxalefetê xurt yê vejêno meydan, bi HDPî tewr xurt bê û cinîyê xurt do heme çî bivurnê."

	&nbsp;

	Hemsereka Kongreya Demokratîk a Şaran (HDK) derheqê weçînayîşê &nbsp; 24ê Hezîrane û mîsyonê HDPî de şîrove kerde. Gulîstane dîyar kerde ke 24ê Hezîrane seba welatî xeylê girîng o û hetê cinîyan de zî zaf girîng o û wina va: "2002 ra heta nika AKP serdest o û polîtîkayê ey hemverê cinîyan o. No semed ra do cinî kuçeyan de hemverê hêrişê hemverê cinîyan û polîtîkayan xo ver bidê."

	&nbsp;

	'24ê hezîrane do bivuryo helwestêke rast'

	&nbsp;

	Gulîstane dewam de da zanayîş ke hêrs, xoverdayîş û îtîrazî do 24ê hezîrane de bivuryo helwestêke rast û 24ê hezîrane do bibo vejyayîşê tunelî û wina va: "Weçînayîş de do cinî hetê demokrasî de bibê wayîrê vindertişî. Beno ke heme welat nêvuryo la no weçînayîş mabêne demokrasî û dîktatorî de yo. No semed ra vindertişê cinîyan ê hemverê demokrasî xeylê girîng o."

	Gulîstane heto bîn ra bale ante serê mîsyonê HDPî yê weçînayîşî de û va yewin partîya ke heme komelî kena xo verike û cewabê demokratîk yê hemverê problemê HDPî ya. Gulîstane nê çî vatî: "Weçînayîşan de wazenê HDP tebera bêro verdayîş. No zî yeno manaya ke tifaq kewtê vengî. Ma zanê ke eke HDP nêko meclîs, heme tifaqê hemverê AKPî zî do veng bê. La no tablo bi têkoşînê cinîyan eşkeno bêro vurnayîş. Cinî do peynîya AKP bîyarê."

	&nbsp;