
'Tedayê hepisxaneyan her ke şinê zêde benê' 

2018-05-17 09:24:15


	&nbsp;

	Melîke Aydin

	&nbsp;

	ÎZMÎR - Însîyatîfê Piştdayîşê bi Hepisxanan dir Selma Altane dîyar kerde ke bi 20 roje hepisxaneyê Tîpê R yê Menemenî grevê vêşanî yê bêdem dewam keno û bale ante serê îhlalkerdişê heqan yê hepisxaneyî.

	&nbsp;

	Însîyatîfê Piştdayîşê bi Hepisxanan dir Selma Altane ard ziwan ke OHALî û dima tedayê welatî hepisxaneyan di qatî zêde bîyê û dîyar kerdî ke 20 rojî hepisxaneyê Tîpê R yê Menemenî grevê vêşanî yê bêdem dewam keno, hepisxaneyê F 2 yê Kiriklarî zî di aşmî yo grevê vêşanî yê dorgeyrnayîş dewam keno.

	&nbsp;

	Selma da zanayîş ke hepsîyê neweş yê bi nameyê Dîcle Bozan, Ergîn Aktaş, Ahmet Hemî, Yusuf Bulut zî grev de yê û wina va: "Hepisxaneyê Tîpa R yê Menemenî hepsîyê neweş nînê dermankerdiş û seba lêşînê û hucreyê yew kesî de manenê kewtê grevê vêşanî. Seba ke nêrê têhet kerdê hucreyê yew kesî. Serê siba heta ereyê şan de bi vengêke berz muzîk bi înan danê goşdarîkerdiş. Seba sewqê înan nêameyo kerdiş û hetkarîya tibî nêgînê kewtê grev."

	&nbsp;

	'8 aşmî yo bendeyê emelîyatî ya'

	&nbsp;

	Selma da zanayîş ke hepsîyê ke grev de yê pêwa bi desan rey bi îdare dir qisey kerdê zî, zehmetî înan rê ameyo vetiş û gardîyanê camêrd ardê verê Dîcle Bozane û roqalaya aye teber de yê, lingêke aye çin a û birînê çaqeyê aye seba lêşinî pak nêbenê, 8 aşmîyo bendeyê dermankerdişî yê.

	&nbsp;

	'Avûkatî nêeşkenê şêrê verê hepsîyan'

	&nbsp;

	Selma qiseykerdişê xo wina qedêna: "Reyna hepisxaneyê Menemenî serê lingan de hûmartiş yeno kerdiş. Hepisxaneyê Hûmara 2 tîpê F yê Kiriklarî zî di aşmî yo hepsî xo ver danê. Kitaban nêdanê hepsîyan. Heqê înan yê komelî bêpar yenê mendiş. Hepisxaneyê Sokeyî newe yo û xeylê kêmasîyê hacetan esto. Hepisxaneyê Bolu û Bandirma zî hepsîyê ke ameyî neqlkerdiş zî estê. Avûkatî nêeşkenê pêvînayîş bikerê. He Tîpa F yê Denîzlî zî îhlalkerdişê heqan yenê cuwîyayîş û goreyê mektubê bi nameyê Seyfettîn Guney heme heqê înan yenê astengkerdiş.

	&nbsp;