Fîlîz Kerestecîoglu ya HDPyîje: Ma talibê rayanê cinîyan ê 

2018-05-18 09:35:00


	 

	ENQERE - Wekîla Sereka Koma HDPî Fîlîz Kerestecîoglu dîyar kerde ke seba asayîşê sindoqan wezîfeyêke pîl kono serê milê cinîyan û va: "Partîya ke wayîrê vatişê xurtî ya ma yê. Ma na babete de bi îdia yê û ma talibê rayanê cinîyan ê."

	 

	Wekîla Sereka Koma HDPî Fîlîz Kerestecîoglu derheqê  atmosferê weçînayîş û asayîşê weçînayîşî de qisey kerde û  tifaqê 'Mîllet' û 'Cumhur' şîrove kerde û wina va: "Tifaqêke xora bi serran o îqtîdar de yo û ma vînenê ke se bi cinîyan kerdê. Tifaqê bîn zî serê pusulayan de yo."

	 

	Fîlîze da zanayîş ke yeno waştiş HDP binê barajî de bimano û hemverê ke 'barajî bibê sifir' û xîleyê weçînayîşî vengdayîşê 'hişyar bê' kerde. Fîlîze wina va: "Ma her çiqas vajê baraj ma kenê sifir zî, gerek ma hişyar têbigeyrê. Gerek ma rîskê dizdan zî bikerê hesab. Ma na rewşe referandum de cuwîyayî."

	 

	'Cinî do serê wezîfe de bê'

	 

	Fîlîze dewamê qiseykerdişê xo de bale ante serê wezîfeyê cinîyan û va wezîfeyêke pîl kono serê milê cinîyan û wina va: "Babeta asayîşê sindoqan de karêke pîl kono serê milê cinîyan. Seba ke cinî her warî de tewr zêde benê wayîrê berpirsîyarî û karê ke konê serê milê înan heta peynî benê. Ez na bawerî de ya ke cinî heta peynî do wayîrê rayan vejyê û çi destê înan ra bêro do bikerê. Ganî cinî mekanîznameyê qerarî de ca bigîrê."

	 

	'Partîya ke wayîrê vatişê xurtî ma yê'

	 

	Fîlîze bale ante serê danezanayîşê HDPî ke 14ê Gulane de eşkera kerdo û wina va: "22ê Gulane de do danezanayîşê cinîyan de îzahatê ma tewr hîra bibo. Ez seba înan nêvana soz, semedo ke ma eşkenê nê çî cinîyan dir viraznê. Ma xeliskerdoxê kesan nîyê. Ma cinî pîya eşkenê xelas bibê. Belê ma vanê, gerek cinî rayan bidê HDPî. Ma partîya ke wayîrê vatişê tewr xurtî yê. Ma bi îdiayê û talibê rayanê cinîyan ê."