Namzeda HDPî Cansû Îreme: Bi bîyayîşê HDPî dir berê azadî ameyî akerdiş 

2018-06-04 09:51:00


	 

	STENBOL - Yew namzedê HDPî yê ciwan e Cansû Îrem Kalendere dîyar kerde ke yewin partîya ke ciwan û cinî eşkenê tede sîyaset bikerê HDP yo û va do meclîs de seba ciwan û cinîyan xebate bikera.

	Xebatê weçînayîşê 24ê Hezîrane bêmabên dewam kenê û namzedê nasnameyê cîya yê HDPî bale ancenê. Cansû Îrem Kalendera ke mintiqaya yewin a Stenbolî de namzeda wina va: "Ez seba bibî vengê cinî û ciwanan ez do xebate bikera. Şima zî piştdayîş bidê mi."

	Cansûya Îzmîr ra ya û bi serran Stenbol de ciwîyawa, cewab da vengdayîşê namzedê serekomarîyê Selahattîn Demîrtaşî ke vatib 'cinîyê ciwanî bibê namzed' û dîyar kerde ke aye serê vengdayîşî bîya namzed. Cansû bi kesayetê xo yê bi qerar û vindertişê xo yê pozîtîf bale ancena.

	'Şarî verê yewbînan de vinderê do heme dêsî bêrê rijnayîş'

	Cansû wina va: "HDPî de ziwan, nîjad, nasname çin o. HDPî de her çî her kes esto. Kurd û Tirk î eşkenê yewbînan dir bicuwîyê. Ganî şar têhet vinderê. Bîyayîşê HDPî berê azadî dayo zor. Her kes seba cesaretê mi ke mojnaw ra, mi pîroz kenê. Ez nêtersena. Seba HDP meclîs de bibo ez do bixebityî."

	Cansû veng da weçînitoxanê xo û wina va: "Ez înan ra piştdayîş pawena. Ez wazena bibî vengê cinî û domanan. Ez wazena meclîse de vemgê heme kesan bêro eşnawitiş. No semed ra hewceyê ma piştdayîşê şima esta. Wa rayan bidê ma."