Namzeda Agirîyî Kezîbane: Ma do heqê xo yê ke ameyê xespkerdiş reyna bigîrê 

2018-06-06 11:23:15


	 

	AGIRÎ - Namzeda HDPî ya Agirî Kezîban Dumluya ke rêza çarine de bî namzed, bi serran o têkoşînê sîyasî yê Kurdî de têkoşîn kena û dîyar kerde ke aye seba heqê cinîyan ke ameyê xespkerdiş do reyna bigîrê û do têkoşînê xo do meclîsî de bimeşînê.

	 

	Yew bajarê ke HDPî ci de serkewtişê pîlî kerdê xo dest Agirî yo. Wextê vîyarte de Agirî hîrê parlamenterî vet û nika zî xo amede keno 4 temsîlkarê xo bieşrawê meclîs.

	 

	Kezîban Dumluye HDPî ra rêza 4ine de namzed a û Bazid de ameya dinya. Hîrê domanê aye estê û 2008 ra heta nika xebatê partî de ya. Kezîbane Bursa de wexto ke DBPî de îdare de ca girewte û prosesê HDPî de zî hemserekî kerda. Dimayê weçînayîşê 1ê Teşrîna Peyêne wextêke Amed de xebat mişna.

	 

	Kezîbane wextê Amed de xebat meşna, amî tepiştiş û dimayê amî veradayîş sey namzeda parlamenterîya Agirî xebatan de cayê xo girewte.

	 

	Têkoşînê azadîya feodalî şikna

	 

	Kezîbane da zanayîş ke Tirkîya de partîya tewr demokratîk HDP yo û wina qiseykerdişê xo dewam kerde: "HDP yewin partîya ke heqê temsîlkarîyê têduşt bica ano yo. Agirî wayîrê taybetîyêke feodal o. Şiknayîşê nê prosesî zehmet o. Mintiqaya Serhedî bi nasnameyê cinîyan têkoşîn bi rastî zaf zehmet o. La têkoşînê azadîya cinîyan mintiqaya Serhedî de feodalîzm de vurnayîşêke ardê meydan."

	 

	'Seba ma wayîrê îradeyê xo vejyê ganî ma têkoşîn bikerê

	 

	Kezîbane da zanayîş ke seba heqê xo yê ameyê xespkerdiş reyna bigîrê do têkoşîn bikerê û wina va: "Dimayê ma bêrê weçînayîş, hedefê ma estê. Ma mintiqayêke hemverê cinî û domanan hêrişê zayendî virazênê û qezencê cinîyan hetê qayûmî ra ameyê xespkerdiş ciwîyenê. Wexto ke ma bikoy meclîs ma do seba heme heqanê xo têkoşîn bikerê."

	 

	'Do cewabo tewr pîl cinî bidê'

	 

	Kezîbane va ke AKPî her tewir şîdet hemverê cinîyan meşneno û va weçînayîşan de rolêke pîl kono serê cinîyan û do cinî 24ê Hezîrane de cewabê tewr pîl bidê.