'Çim û goşê cinîyan HDPî de yo'

2018-06-06 11:55:23


	 

	ÎZMÎR - Hemsereka HDPî ya Îzmîrî Semra Uzunoke dîyar kerde ke HDP çim û goşê cinîyan o û xoverdayîşê Flormar û Avonî zî selam kerde. Semra eynî wextî de vengdayîşê beşdarbîyayîşê buroyê cinîyan kerde.

	 

	Hemsereka HDPî ya Îzmîrî Semra Uzunoke cinîyan rê vengdayîşê seba beşdarbîyayîşê buroyo cinîyan ke do siba Konak de bêro akerdiş kerde. Hemsereka Pêroyî ya HDPî Pervîn Buldane zî do beşdarê akerdişî biba û do xoverdayîşê Flormar û Avonî bêrê selamkerdiş.

	 

	'Îzmîr de çim û goşê cinîyan HDPî de yo'

	 

	Semra da zanayîş ke senîn xebatê weçînayîşî ameyê destpêkerdiş înan bi taybetî vatê HDP partîya cinîyan o û wina va: "Çim û goşê cinîyan HDP yo. Ma bi Amancê têkoşînê cinîyan bimojnê ra, bernameyê cîya viraznenê. Ma kuçe bi kuçe, tax bi taxe geyrenê û cinîyan dawetê akerdişê buroyan kenê. Cinî vera polîtîkayê hukmatê AKPî ke 16 serre yo vera cinîyan dano meşnayîş vejênê. Ma cinîyê Îzmîrî her wext hemverê hukmatî waran de bî."

	 

	‘Piştdayîşê heme cinîyan seba ma girîng o'

	 

	Semra da zanayîş ke do siba hemsereka Pêroyî ya HDPî Pervîn Buldane zî beşdarê akerdişê buro bibo û veng da heme cinîyan ke vatişanê xo berz bikerê û beşdarê akerdişê buroyî bibê.

	 

	Seba xoverdayîşê Avon û Flormarî piştdayîş

	 

	Semra tewr peynî qiseykerdişê xo de bale ante serê xoverdayîşê karkerê Avon û Flormarî û va ê sey cinîyê HDPî piştdayîş danê xoverdayîşê înan û do piştdayîşê xo zî Konak ra reyke bîn biqîrê.