Namzeda ciwane ya Edene: Ez do vengê nêweşê SSPEye bida eşnawitiş 

2018-06-08 11:52:49


	 

	EDENE - Rozerîn Tosuna ke şina unîversîta û namzeda HDPî ya Edene ya, dîyar kerde ke aye do biba vengê nêweşîya SSPEye û waya aye ke nêweşa SSPE bîya 7 serre ya xo de cuya xo vinî kerda.

	 

	Rozerîn Tosuna ke Unîversîteya  Çukurova de beşa Rehberî û Şêwirmendîyê Psîkolojîk sinifa 3ine wanena, Edene de HDPî ra rêza 9ine de namzed a. Rozerîne dîyar kerde ke verê fikrêke aye beşdarê sîyasetî biba çinbîya û va aye vera tedayê ke welat de ameyê meydan bîya namzed û va aye wazena biba vengê cinî, doman û ciwanan.

	 

	Rozerîne da zanayîş ke bi namzedîya aye dir bîya hêvîya ciwanê unîversîta û wina va: "Ciwanê ke yenê tersnayîş, endîşeyê înan estê. La ganî ma sîyaset de ca bigîrê. Bajarê ke ez seba wendişî ameya, la ez bîya namzed e.

	 

	‘Ez do nêweşîya waya xo meclîsî de bîyarî ziwan'

	 

	Rozerîne dimayê ke dewa înan veşêyena, Licê ra koçê Amedî kenê û va pêwa heme zor û zehmetîyan keyeyê aye girîngî dayê perwerdeyê domananê xo û va: "Wexto ke ma Kurdî qisey kerdêne dewlete bi zor Tirkî ma musnayne. Waya mi seba derzenê bayatan 7 serre ya xo de bi nêweşîya SSPEye cuya xo vinî kerde. Ez do meclîs de nêweşîya waya xo bîyarî ziwan. Mintiqaya ma de eşkeraya ke derzenê bayat dayê domanê Kurdan. Ma nêeşkayne vengê xo bidê eşnawitiş û ne zî eşkayne berê xo bigîrê."

	 

	Ma unîversîteyan ê azad wazenê

	 

	Rozerîne qala sebebê namzedîya xo ya HDPyî kerde û dîyar kerde ke ê wazena ke unîversîte bibî qadê azade. rozerîne dewamê qiseykerdişê xo de veng daye heme weçînitoxan û ganî heme kesî wayîrê rayanê xo bivejî yî.