Namzeda Îzmîrî Ayşe Yilmaze: Ma siyasetmedarê serê maseye nîyî 

2018-06-09 12:23:03


	 

	Îzmîr - Namzeda HDPî ya Îzmîrî Ayşe Yilmaze dîyar kerde ke HDP do xeylê çîyan bivurno û va do sey 7ê Hezîrane bikerê û kuçeyan de bê.

	 

	Ayşe Yilmaze bi serran seba azadîya cinîyan têkoşîn daya û namzeda mintiqaya diyîn ê Îzmîrî yê HDPyî ya.  Ayşeye 1972 ra heta ewro têkoşînê rêxistinkerdişî de xebatê ciwan û karkeran de ca girewta û wextê 1975-1980î awankerdoxî û rejîsorîya Member û PTT-Der kerda. 1993 de Yewîya Cinîyan ya Kedkaran awan kerda û heta 1999 temsîlkarîya EKBî kerda. Sey awankerdox e KESK û Tum-Bel Sen de zî ca girewta. Serra 2000î ra heta teqawît bî endamîya aye dewam kerde û serra 2004 ra heta 2011 îdareyê Merkezê Pêroyî yê ÎHDî de ca girewte. Ayşeye serra 1993 ra dima têkoşînê cinîyê kedkar û hem zî têkoşînê vera vindîbîyayeyê tepişnayîşan de ca girewte.

	 

	Temsîlkara ICADî

	 

	Ayşe serra 2006 heta nika temsîlkarîya Komîteyê Têkoşînê Hemberê Vindîbîyayeyê Tepişnayeyan ê Mîyanneteweyî-ICAD-Tirkîya kena û serra 1973 ra heta nika aye sey cinîyêke sosyalîst e têkoşînê xo ESPî de meşnena.

	 

	Ayşe dîyar kena ke heme namzedê cinîyan de profîlêke înan têkoşînkerdişî esto û wina vana: "Na mi sere berz kena û no semed ra ez HDPyî ra namzed a. Ez vana cinî cu azadî û eynî wextî de rayêke HDPî rê û rayêke Selahattîn Demîrtaşî rê. Ez seba kesê netîceyê kiştoxê failê nêdîyar de vindî bîyê bêrê vînayîş tîya ya. Ma yenê û ma bi îdia yê. Ez bawer kena ke ma do heme çî bivurnê. Ma serê masayan de nê ma kuçeyan de yê."