HADEPî ra heta HDPyî têkoşînê 28 serran: Heta cinî û Kurdî azad nêbê demokrasî nîno 

2018-06-11 12:49:31


	 

	MUGLA - Yew namzeda HDPî ya Muglayî Sebahat Firate dîyar kerde ke Tirkîya de demokrasî û azadî bi têkoşînê Kurd û cinîyan bêra meydan. Têkoşînê Sebahate ya 28 serran HADEPî ra heta HDPyî derg bena û veng da cinîyan ke seba azad bibê ganî HDPî tercih bikerê.

	 

	Mugla de 7 namzedê HDPî ra 4 heb cinî yê. Sebahat Firate rêza 6in de ca gêna. Sebahate ke qezaya Polatli yê Enqere ra ya, dîyar kena ke aye sey cinîyêke Tirke seba azadbîyayîşê şarê Tirkîya û demokratîkbîyayîşê Tirkîya HDPyî de ya.

	 

	Sebahate serra ke lîse de bîya bi hemkarîya Keyeyêşarî têkoşîn nas kerda û ÎHDyî Enqere de zî îhlalkerdişê heqan ser têkoşîn kerda. Sebahate ke 1999 de xebatê efûyê ya pêroyî de ca girewte, HADEPî de sîyaset dewam kerde. Serekîya HDPî ya Polatliyî kerde û 28 serre ya Mîlas de ya. Sebahate ke di domanê aye estê kedkara keyeyî ya.

	 

	‘Demokrasî têkoşînê Kurdan de derbaz beno'

	 

	Sebahate arde ziwan ke demokrasî eşkeno bi têkoşînê Kurd û azadî bêro û bale ante ser psîkolojî yê ke şero ke bi serran o dewam keno awan kerdo. Sebahate da zanayîş ke hem dayîkê leşkeran hem zî dayîkê Kurdan dej ancenê û HDP na babete de eşkeno çareserî virazno.

	 

	'Ez seba têkoşînê azadîya cinîyan HDPyî de ya’

	 

	Sebahate da zanayîş ke sîstemê hemserekî tena HDPî de esto û wina va: "Nimûne Mugla de partîyan de rêza yewin de namzedê cinî çin ê. Xeylê xo rêza çarin de dest pêkenê. La ê ma de destpêkê rêze de di heb cinî yê. Na zî yena na mana eke cinî nêbê kerdox têkoşînê azadî zî nêbena. Seba ke cinî nîmeyê komelî awan kenê. Ganî zafîyê camêrdan meclîsî ra bêro antiş û cinî tewr zêde şêrê meclîs. Ancax HDP eşkeno wina bikero. Heto bîn ra zî ganî Mugla de meclîsê cinîyan bêrê awankerdiş. Seba cinî azad bibê ganî HDPî tercih bikerê.”