Mabenê di bajaran de di cinîyê kedkarî  

2018-06-12 12:25:39


	 

	Melîke Aydin

	 

	AYDIN - Cinîyê bi nameyê Ummuhan Kaya û Necmîye Meres ya serê rayîrê Mîlas-Sokeyî de tesîsêke de xebityenê dîyar kerdî ke ê dewe de nêeşkenê ramitiş bikerê û no semed ra bi nanê tewqe debara xo kenê.

	 

	Serê rayîrê mabêne Soke yê Aydin û Mîlasê Muglayî de tesîsêke de cinîyê bi nameyê Ummuhan Kaya û Necmîye Merese bi viraştişê nanê tewqe debara xo kenê.

	 

	Ummuhan Kayaya 40 serre ya û maya di domanan a bi 7 serre yo tesîs de nanê tewqe viraznena û dîyar kena ke debare her ke şina zehmet bena û mecbur manena bixebitîyo. Ummuhane da zanayîş ke wendişê domanan ganî berpirsyarîya dewlete de bibayne û wina va : "Seba ameyoxê domananê xo ma bi endîşeyîn ê. Domanê ma zî seba ma endîşeyîn ê. Her ke şino karê ma tewr zêde zehmet beno."

	 

	‘Ma 12 saetan xebityenê’

	 

	Ummuhane ard ziwan ke vînayîşê karî zehmet nîyo la pereyê ke yeno dayîş qîmê înan nêkeno û va aye 12 saetan tîya xebityena û wina va: "Dewe de ramitiş nêbeno. Zeytûnê ma estê. Her çî vayo. Toxim, ramitiş û mazot vayê."

	 

	Necmîye Meresa ke bi 4 serre yo bi Ummuhane dir xebityena dewêke bîn ya nêzdîyê tîya ra ya. Necmîya ke verê lokanta de xebityena va mêrdeyê aye seba ke qeza kerdo nêeşkeno bixebityo û lajê aye zî 10 serre yo garsonî keno.

	 

	Necmiye tewr peyîn va ke xebebata cinîyan zaf girîng a û va ganî cinî bixebityê û xo nêdê pelçiqnayîş.