Vera qetilkerdişê bi hezaran daran de 'hîrê toximî'!  

2018-06-12 14:02:30


	 

	Zeynep Durgut 

	 

	BEDLÎS - Hukmatê AKPyî Kurdistan de her roje destê xo dergê xoza keno. Bi rijnayîşê ekolojî wazeno ke xoza texrîb bikero. Xeylê dewê girêdayê qezaya Tetwanî bi minasebetê asayîşî, darî ameyî birnayîş. Eynî wextî de darê ke yenê birnayîş yenê rotiş.

	 

	Hukmatê AKPî bi sebebê asayîşî xozaya Kurdistanî texrîb keno. Dewê girêdayê qezaya Tetwanî sey dewê Xînzorîk, Mezrê, Kotumî darê înan yenê birnayîş. Heta nika xeylê rey operasyonê leşkerî dewan de ameyê kerdiş û eynî wextî de mewsimê wisarî de qerarê qedexeyê tebervejyayîşê kuçeyan ameyo dayîş. Şarî ke no hâlî ra razî nîyê, xeylê rey seba ke bi Walîyê Bedlîsî dir pêvînayîş bikerê muracat kerdî. La waştişê pêvînayîşê şarî ameyo redkerdiş.

	 

	Eynî wextî de hemwelatîyê mintiqa ardî ziwan ke Serekkomarî sey ke qeşmerîyê xo bi dewijan bikero zerfan şiraweno û zerf de zî hîrê toximan eşraweno. Dewijan reaksîyon hemverê nê vindertişî dayî û vatî ke 24ê hezîrane de cewab bidê hemverê nê hişmendî. Heto bîn ra hemwelatîyê mintiqa nêrazîbîyayîşê xo ardî ziwan û vatî ke dimayê ke daran birnenê û roşenê û vatî ke wazenê bi no amancî înan bênefes verdê.