'Bê şarê Sûrîye problemê Sûrîye çareser nêbeno' 

2018-11-22 13:55:16


	 

	Sorgul Şêxo

	 

	HESEKÊ - Hemsereka Meclîsê Sûrîyeya Demokratîke Emîna Omere derheqê prosesê bîyaye yê Sûrîye de arde ziwan ke îradeyê şarê Sûrîye ganî esas bêro girewtêne û wina va: "Têkoşînê sîyasî yê çareserîyê kirîzê Sûrîye bi dîyalogan mumkin o. Bê şarê Sûrîye problemê Sûrîye çareser nêbeno."

	 

	Hemsereka Meclîsê Sûrîyeya Demokratîke Emîna Omere derheqê prosesê bîyaye yê Sûrîye de arde ziwan ke ganî vatiş û waştişê şarî esas bêrê girewtiş û wina va: "Şarê Sûrîye ganî bi îradeyê xo yê azad beşdarê çareserkerdişê problemê Sûrîye bêrê kerdene." 

	 

	'Şarê Sûrîye eşkeno çarenuştişê xo bi xo dîyar bikero'

	 

	Emînaye wina va: "Hêzê mîyanneteweyî ganî tena berjewendîyê xo nêfikrîyê û îradeyê heme şarê Sûrîye ke cuyenê esas bigîrê. Şarê Sûrîye eşkeno çarenuştişê xo dîyar bikero. Ganî rejîm zî piştdayîş bido îradeyê şarî û goreyê berjewendiyê xo û hêzê mîyanneteweyî tê nêgeyrê. Heto bîn ra na babete de vera kerdişê dewleta tirkî yê nêbaş zî pîya bêro vindarnayîş." 

	 

	'Ganî waştiş û îradeyê şarê Sûrîye bêrê pawitiş'

	 

	Emînaye wina dewam kerde: "Ganî prosesê çareserkerdişê krîzê Sûrîye de heqê heme şaran bêro pawitiş. Ganî waştiş û îradeyê şarê Sûrîye bêrê pawitiş. Ganî heqê cinîyan bi taybet bêro pawitiş. Seba ke hêriş tewr zêde serê cinîyan de yeno kerdene. Seba heme planê lêşin nêrisê amancê xo ganî têkoşînê demokrasî yê heme şaran bêro dayene. Têkoşînê sîyasî yê çareserîyê kirîzê Sûrîye bi dîyalogan mumkin o. Bê şarê Sûriye problemê Sûrîye çareser nêbeno. Şarê Sûrîye ganî bi îradeyê xo yê azad beşdarî çareserkerdişê problemê Sûriye bêrê kerdene."