Cinîyê Wargehê Rojî: Vera tehdîdan ma zî xo ver danê 

2019-01-09 12:53:49


	 

	Rûken Goman  

	 

	DÊRIK - Cinîyê Wargehê Multecîyan ê Rojî ke Dêrikê Rojawanî de yê, vanê ke: "Tehdîd û hêrişê dewleta tirkan tesîrêke negatîf ma ser keno. Coka vera tehdîdan ma zî xo ver danê. Ganî îşgalkerdoxî fek kerdişê xo yê lêşinan ra vera bidê."

	 

	Cinîyê koçber ê ke Wargehê Penaberan ê Rojî ke Dêrikê Rojawanî de bi ca bîyê, derheqê tehdîdê serê Vakur û Rojhelatê Sûrîye de qalî kerdî: "Ma reyke cayê xo ra bî. Ma nêwazenê reya diyîn cayê xo ra bibê. Ma koçberî ra acis bîyê. Ma wazenê ke cuyake bi rûmet û hizurin e bicuyê."

	 

	'Ma Rojawanê Kurdistanî seba xo sey stargehêke vînenê'

	 

	Cinîya bi nameyê Rûqeya Hûsêne dîyar kerde ke aye wazena heme kes cuyake hizurin e bicuyê û wina va: "Dimayê ke DAÎŞî hêrişê ma kerd, ma ameyî Rojawanê Kurdistanî de bi ca bî. Ma Rojawanê Kurdistanî de seba xo sey stargeh vînenê. Bi 5 serrî yo ma tîya yê. Şarê Kurd ma DAÎŞ ra pawenê. La dewleta tirkan bi tehdîd û hêrişanê xo wazena koçberî û qirkerdiş newe ra virazna. Dewleta tirkan serê gonîya merdiman de  xeyalanê xo gane kena. Wa îqtîdar êdî fek kerdişê xo yê lêşin vera bidê û verdê ke merdimî hizurin bicuyê."

	 

	'Ma wazenê ke cuyake bi rûmet û bêşer bicuyê'

	 

	Cinîya bi nameyê Emel Derwîşe zî bale ante serê tifaqê seba berjewendîyê ke yenê awankerdiş û wina va: "Şarê Kurd ma rê wayîr vejîya. Ma nêwazenê hêriş vera Kurdan bêro kerdene. Dimayê Rojawan tu cayêke ma şêrê çin o. Ma wazenê cuyake bi rûmet û bêşer bicuyê. Tehdîd û hêrişê dewleta tirkan tesîrêke negatîf serê ma de keno. Coka vera tehdîdan, ma zî xo ver danê. Ganî îşgalkerdoxî fek kerdişê xo yê lêşin vera bidê. Ma reyke cayê xo ra bî. Ma nêwazenê reya diyîn cayê xo ra bibê. Ma koçkerdiş ra acis bîyê. Ma wazenê cuyake bi rûmet û bi hizur bicuyê."