AMED - Amed de polîsan eşt serê keyeyê Nezahata Tekeye û polîsan çeke antê sereyê torinê aye 3 serre yî.

 

Endama Meclîsê Dayîkê Aştîye Nezahat Tekeye, dîyar kerde kelajê aye wendekarê lîseyî yo û vat vera qereqole, gerek nika lajê aye dersê xo de bibayîne.Nezahate bi nê vatişan qalê sereştişê keyeyê xo kerd û vat: "Polîsan da zîlî ro. O çax lajê mi do bişîyêne wendegeh. Polîsan cade sereyê lajê mi ro çeke naye. Mi vat ke lajê mi 17 serrî yo la reyna zî o erdî ser o vindarna. Semedê destbendkerdişî nêvatêne la keyeyê ma de gêrayî û keyeyê ma serûbin kerd. Tornê mi zî keye de bi, çeke naye sereyê ey ro zî."

 

Nezahate waşt ke lajê aye lezabez serbest bêro veradayene û vat: "Lajê mi wendekar o, no kerdişê polîsan zulm o. La domanêk eşkeno se bikero, ez nê zulmî qebul nêkena.” Ame zanayene ke  kekê Tekî Mazlûm Teke zî seba sebebê sîyasî hepsî yo, bayê ci Mehmet Şah Teke zî bi eynî sebeban ra mecbûr mendo ke şêro Ewropa.