Şehrîban Abî

 

WAN - Kerîme Demîra ke emrê qij de bi koçberî, tedaya dewlete û şîdetê camêrdan dir ameye rîbirî, zor û zehmetîyê cuya xo de dîya bi deyîran ana ziwan.

 

Qezaya Tuşbaya Wanî, taxa Îskeleyî de cinîya bi nameyê Kerîme Demîra 52 serrî yew cinîyêka emro qij de rastê şîdetê sîstematîk ameya. Kerîme emrê qij de bi camêrdêko dir nîşanê ci yeno kerdene. Keyeyê ci nîşan xêra keno û hewl danê ke camêrdêko bîn dir bidê zewicnayene. La hîrê cinîyê mêrikî estê. Kerîme çiqas îtîraz bikero zî, bi tedayê Dedê xo yena zewicnayene. Kerîme wina vana: "Dedê mi vat bizewicî. Mi nêwaşt. Mi nêzaneyene se bikerî. Ez senîn derbaz bikerî. Ez zî sey cinîyê bînan bêwaştene ameya zewicnayene."

 

'Ma 25 kesî keyeyêko de mendêne' 

 

Kerîmeye da zanayene ke çîyê ke texmîn kerdêne tewr zêde ciwîyaya. Kerîmeye dayîka 6 kêna û 5 lajan a. Heto bîn ra milêke aye welîdnayene çin o. Kerîmeye wina vat: "Mi bi yew milêke reyan di rey nan peşnaw. Ma şîne  zozanan. Ma pes antêne. Awe, ceyran çinbi. Bi milekî mi awe girewtêne û ardêne keye. Rayîrê dewan çinbi. ma cuyaêka zehmete meşnayîne. Bi cinî û domanê bînan dir ma 25 kesî ciwîyayîne."

 

'Her kes şi cayêko'

 

Kerîmeye tena rastê şîdetê camêrdî nîna, eynî wextî de rastê şîdetê dewlete zî yena û serrê 1994-95ine de seba teda û şîdetî koç kenê. Elkê ya Şirnexî ra koçê Wanî kenê. Kerîmeye wina vat: “Her kes cayêko vila bî. Pêwa zor û zehmetîyan dewî weş bî. Ma dawetan de, şînan de, zozanan de deyîranê xo vatêne. Ma dejê xo wina ardêne ziwan. Ez bi deyîranê xo zerrîya xo rehet kena."