AMED - Futbolîstê cinî yê Amedsporî, pêwa bêtêduştî yê cinsîtî zî sahayan terk nêkenê û yew problemê bîn zî ekonomîye yo. Dima ra qayûm ame, tîm zaf zehmetî ant û vengdayîşê piştdayîşî kenê.

 

Futbolîstê cinî yê Amedsporî ke vatî, ‘cinî zî futbol de estê', qalê futbolî kenê. Demet Kiliç ya 7 serrî de dest bi futbolî kerda, nika 22 serrî ya. Qalê seruvenê xo yê 15 serran qalî kerd û dîyar kerde ke wextê newe dest bi futbolî kerda xeylêk problem cuyaya.

 

Demete wina vat: “Keyeyê mi zî piştdayîş nêda mi. Bi hewldayîşê pîl keyeyê mi qebûl kerd dima ra zî komel. Wexto ke mi dest pêkerd, camêrdî futbol kay kenê. La mi fek vera nêda. Nika keyeyê mi yeno her maç. Pîyê mi qet nêwaştêne. Nika mi temaşe keno. Eke bawerî û waştiş bibayîne ganî ma dewam bikerê."

 

‘Şertê çinbîyayî de kaykerdene, serkewtişêko pîl o'

 

Demete dewam de wina vat: "Komel hemverê cinîyan bi. Gerek vernê de no werte ra wedarîyo. Ma nê êdî şiknayo. Wexto ke mi newe dest pêkerd, semedê cinîyan hende alternatîf çinbi. Gerek cinî xo futbol de ca girewt. Ganî cinî xo futbol de aver berê. Ma şertê negatîf de kay kerd û goreyê mi no serkewtişêko pîl o."

 

‘Sporê camêrdan tena nîyo'

 

Demete vat, futbol tena sporê camêrdan nîyo û wina vat: "Cinî eşkenê pêro sporan bikerê. Ma nika futbol kay kenê. Wext bi wext zehmetî virazênê. Îmkanê semedê camêrdan yenê dayene, la semedê cinîyan nîno dayene. Cinîyan kenê planê diyîn. Futbol de zêde eleqe danê camêrdan. Tîmê ma hetê ekonomî de zehmetî ancenê. Coka ma mexdûr benê. Ez veng dana pêro şaredarî û îdarekaran ke pîştdayîş bidê ma."

 

Qeyûm problem awan kerd

 

Helîn Bayrake zî 6 serrî yo Amedsporî de kay kena. Helîne dîyar kerde ke Amedspor tîmê şarî yo û wina vat: "Dimayê qeyûm tayîn bi, ma problemê ekonomî ciwîyayî. Amedspor camîayêko pîl o. Amedspor girêdayê şaredarîye bi. Coka hetê serwîs û sahayî de problem nêciwîyayîne. La bi qeyûmî dir problemî rî dayî. Qeyûm fon zî wedarna. Verê qeyûmî semedê ma butçeyêk estbi. La no zî êdî çin o."

 

Helîne bale ante serê têduştîyê futbolî de û vat semedê cinîyan eleqe kêm o û cinî nê wareyî de cîya yenê vînayene û vat: "Camêrdî statyumî de kay kenê. Ma cinî sahayê sentetîk kay kenê. Ma nîmeyê camêrdan pere girewtêne. Ma rastê şîdetî zî ameyne. Bajarê teberê herême, wextê ma şîne deplasman, xeylêk camêrdî ameyne trîbunan. Kufr û heqeret kerdêne. Ma cinî pêwa nê xoverdayîşê xo dewam bikerê. Semedê ma serberzîyêk pîl o."