MERKEZÊ XEBERAN - Wezîrê Weşî yê Tirkîya Fahrettin Koca vizrê saetanê şewe de eşkerayî da û dîyar kerd ke hûmara kesê ke bi nêweşîya Vîrusê Korona kewtî resaye 47.

 

Wezîrê Weşî yê Tirkîya Fahrettîn Koca serê hesabê xo yê medyaya komelkî de eşkerayî da û dîyar kerd ke Tirkîya de hûmara kesê ke bi nêweşîya Vîrusê Korona kewtî resaye 47. Fahrettînî eşkerayîya xo de wina va: “29 kesanê bînan de zî nêweşîya Vîrusê Korona ame tespîtkerdene. Tewrê înan hûmara kesê ke bi nêeşîya Vîrusê Korona kewtî resaye 47. 29 kesê ke Vîrusê Korona înan de ame tespîtkerdene bi temasê DYA, Rojhelato Mîyanenî û Ewropa yî. 3 kesî zî rayvanê ke Umre ra agêrabî yî. Temasê teberê welatan do rîsk bibo.”