Şehriban Abi

 

WAN - Semedê krîzê ekonomî, esnaf nêeşkenê rotiş bikerê û yê ke yenê dayîş û girewtişî çîyêk nêgînê û ageyrenê keye. Wan de Meryem Ozere ya bazar de tezgahê xo dayo ro, dîyar kerde ke rojane bi 30 TL keyeyê bi 5 nufusî wey kena. Şîrîn Turane zî dîyar kerde ke bi 5 TL yena bazar.

 

Goreyê dayeyê Sazgehê Îstatîstîkî Tirkîya (TUÎK) enflasyon menga Sibate de sera 0,35 zêde bîyo sera 12,37. goreyê îzahatê Wezîrê Ekonomî Berat Albayrake ke vat, ‘Serra 2019 de ma bi girdîyêko ma bende nêbî virazîya. çaryewê peyîn de ma do pîlîyê çaryewê ewil bîvînê.' La esnaf û welatî krîzê ekonomî serê înan de tesîr keno û nêeşkenê dayîş û girewtiş bikerê.

 

Esnafê cinî yê qezaya Îpekyolê Wanî tezgahê xo akenê, dîyar kerdî ke nêeşkenê çîyêk biroşê û cinîyê ke yenê bazar zî vayî ra gerrekerdoxê.

 

'Heta şan de 30 TL qezenc kena' 

 

Meryem Ozer (47) bi rotişê berardişê destan û rîs roşena û debara keyeyê xo kena, dîyar kerde ke 5 nufusî ewnîyena û vat: "Ez puncan,  lîfan bi destan viraznena û roşena. Ez di saetan bi lîfêke dir eleqedar bena la heqdestê xo tam nêgêna. Yê ke gênê zî û yê ke roşenê zî kêfweş ê. Ez heta şan de ancax 30 TL qezenc kena. Bî nê pereyî zî tena hîn sebze gêna."

 

'Eke hêrişî peynî bi do krîz zî peynî bibo'

 

Sînem Abîya ke ameya bazar zî vat, verê bi 60 TL her çî girewtêne û nika 100 TL tena çend kîlo sebze gêna û vat: "Sebebê krîzî şer o. Ganî Tirkîya bilez fek polîtîkayê şer vera bido û çareserî bîyaro."

 

'Ez bi 5 TL ameya bazar'

 

Şîrîn Turane zî da zanayene ke xeylêk hewceyê xo yê mutbexî nêeşkena bigîro û vat: "Mêrdeyê mi, domanê mi betal ê. Ez bi 5 TL ameya bazar. Nêeşkena çîyêk bigîrî. Ne meaşêk ne zî sîgortaya mi esta. Berpirsîyar humat o. Ganî nê problemî çareser bibê."

 

'Sebebê na rewşe îdarekarê welat ê'

 

Saîme Orale da zanayene ke kîloyêk firingî bi 5-6 TL gêna û vayîya heme sebzeyan zêde bîya û wina vat: "Merdimî êdî nêeşkenê îdare zî bikerê. Mi ewro tena firingî, îsot û bacan girewt. Merdimî bi 100 TL nêeşkenê çîyêk zî bigîrê. Yê sebebê na rewşe îdarekarê. Hewcedarîyê welatî êdî bi huzur esta."

 

Safîye Sezere zî vat hîrê tewir sebze ra hre yewî ra nîm kîlo girewta û arde ziwan ke ganî problemê ekonomîye bêra çareserkerdene.”

 

'Sebebê krîzî zulmê Erdoganî yo'

 

Besê Tuncere arde ziwan ke krîzê ekonomî serê pêro wareyan de kerdo û vat: "No zî tedayêko bîn serê şarî yo. Bi krîz şarî feqîr kenê. Sebebê nê zî zulmê Erdoganî yo."