MÊRDÎN - Nisêbîn de domanê ke wayê û birayê yewbînan bî, bi nameyê Havîn (3) û Furkan Guneş (4) ke baxçeyê keyeyê xo de kay kerdêne, seba teqîyayîşê madeyêko nêame zaneyene cuya xo vindî kerdî. Dimayê mergê înan tehqîqat ame akerdene de zî tu averşîyayîş nêvirazîya.

 

Nisêbînê Mêrdînî de 30ê Adara 2017 de taxa Abdulkadîrpaşa de wayê û birayê yewbînan Havîne û Furkan Guneşo ke baxçeyê keyeyê xo de kay kerdêne, semedê teqayîşê madeyêko nêame zanayene cuya xo vindî kerdî. Qedexeyê tebervejîyayîşê kuçeyan ê 2015-2016 de taxa Abdulkadîrpaşa de zî yew taxa ke qedexe amebi îlankerdene. Vera nêweşxaneyê ke verê keyeyê domanan de bi zî qerekole amebî awankerdene. Pêwa ke serê hedîse ra di serrî derbaz bîya tu averşîyayîşêk çin o.

 

Tehqîqat de tu averşîyayîş çin o

 

Dosya de xêrcê raporê otopsî ca nêdayî tu tespîtî û pêwa di serrî derbaz bîyo, cigêrayîş temam nêbîyo û 3 dozgerê ke dosya ra ewnîyayîne zî vuryay. Nîno zanayene ke îdianame zî do key bêro amadekerdene.

 

‘Baxçe de kay kerdêne û made teqîya’

 

Kesê keyeyî dayî zanayene ke hedîse kuçe de ney baxçeyê keyeyî de ameyo meydan û vatî: “Her çî hîrê deqeyan de ame meydan. Ma zî fam nêkerd se bi. Maya xo ra vanê, ‘ma şonê baxçe’ hîrê deqe dima veng yeno. Ma vat veng cayê pêrodayîş ra yeno. La ma vejîyayî û ma hedîse baxçeyê xo de dî. Domanî perçe perçe bibî. Dejê ma hema teze yo.”