STENBOL - Endama Grup Yorumî Hêlîne Boleka ke dest bi rojeyê mergî kerdebî, roja 288ine rojeyê mergî de cuya xo vindî kerde.

 

Endama Grup Yorumî Hêlîn Boleke roja 288ine ê çalakîya rojeyê mergî de wefat kerde. Hêlîne û Îbrahîm Gokçekî semedê qedexeyê konseran bêro wedaritene, semedê endamê înan yê bi bultenê sûrî qerarê tehqîqatê înan de amebi dayene lîste ra bêrê vetene û semedê tedayê serê Merkezê Kulturî yê Hezexî bêrê peynîkerdene, dest bi rojeyê mergî kerdibî. Hêlîne 'Keyeyê Serewedaritişî' yêmSariyerî de roja 288in ê çalakîya rojeyê mergî de cuya xo vindî kerde. Çalakîya rojeyê mergî yê Îbrahîmî zî roja 290î de dewam kena.

 

Bizor berdibî nêweşxane

 

Polîsan çend wextî verê cû eştbi keyeyê endamanê Grup Yorumî Hêlîne Bolek û Îbrahîm Gokçekî ser  ke rojeyê mergî girewtêne û bi zorî ê berdbi nêweşxane. Hêlîn û Îbrahîmî destûr nêdabî ke mudaxaleyê tibî seba înan bêrekerdene û ageyrabî keyeyê xo yê serewedaritişî.