MERKEZÊ XEBERAN - Hepsîyanê PAJK û PKKyî bi wesîleya rojbîyayîşê 71ine yê Rayberê PKKyî Abdullah Ocalanî eşkerayîyêke daye. Hepsîyan rojbîyayîşê Abdullah Ocalanî fîraz kerd û vat ê do xeta Abdullah Ocalanî de têkoşînî xurt bikerê.

 

Bi nameyê hepsîyanê PAJK û PKKyî Denîz Kayayî bi wesîleya rojbîyayîşê 71ine yê Rayberê PKKyî Abdullah Ocalanî eşkerayîyêke daye. 

 

Eşkerayî de wina ame vatene:

 

''Ma rojbîyayîşê 71ine yê  Rayberîya xo yo ke rayberê têkoşînî bindestan o fîraz kenê. Rayberîye ke hînî xo ra vejîyayo û rewşa şarbîyayîş û heqîqetbîyayîşî afernaya eynî wextî de bi na raştîye vera sîtemê modernîteya kapalîste vînkerdiş vîjnayîşî ra veto.  Îqtîdaro faşîst ê AKP-MHPyo ke na raştîye nêvîneno vera nê têkoşînî yo ke agêreno serkewtişî zext keno ke cum bikero. Îqtîdar ewro zî janê Covid-9î şuxulneno û bi qanûnê înfazî xîret keno ke qirkerdişêk bikero.

 

Esaretê Rayberîya ma ra paştî gênê.Vanê qey ê bi tecrîdê giranî eşkenê vernîya destkewteyanê ma bigêrê. Senî ke komplokarê mîyanneteweyî bi çemberê adirê ke dormeyê Rayberîye de ame girewtenê vînî kerd, ewro zî êyê ke tecrîdo giran danê rayraberdene îqtîdarê înan o ke derbe girewto rijîyeno. Tecrîdî peynî îqtîdarî ardo  û heqîqetê Rayberîye hîna xurt kerdo.

 

Nê prosesê kaotîkî de semedê Kurdîstan zî wezîfe û berpirsîyarîyê neweyî vete werte ganî nê raşt bêrê famkerdene ke cewabdayîşê înan tarîxî yo. Ma reyna rojbîyayîşê Rayberîya xo  fîraz kenê û vanê ke ma do bi îradeyê xurtî rayîrê Rayberîye de cuya bivînê.''