AMED - Qezaya Çinarî ya Amedî de banê keyeyo ke 10 kesî tede ciwîyayêne rijîya. 2 domanê ke binê rijîyayîşî de mendî cuya xo vindî kerdî.

 

Taxa Bare ya qezaya Çinarî ya Amedî de banê keyeyo ke 10 kesî tede ciwîyayêne saetanê şewe de rijîya. 2 domanê ke binê rijîyayîşî de mendî cuya xo vindî kerdî.

 

Badê rijyayîşî şarê taxe 10 kesî binê rijyayîşî ra vetî. Birîndarî hêver ameyî berdene Nêweşxaneyê Dewlete yê Qeza dima ra zî sewqê nêweşxaneyanê cîya-cîyayan ê Amedî bîyî.

 

2 domanan cuya xo vindî kerd

 

Kesê ke sewqê nêweşxanyen bîyî înan ra waye û bira Guneşe Demiroglu (14) û Dindar Demiroglu (15) cuya xo vindî kerdî. Tedawîya ê bînan dewam kena.

 

Yeno texmînkerdene ke ban rîyê varayîşê zêde ra rijîyayo.