MÊRDÎN - Wendekara Unîversîta Tuba Kiliçe dîyar kerde ke semedo ke mabêne dayê perwerde û probleman ciwîyenê û vat: "Nêzelalîyêke esta. Semedê vîrusî qerarê vindernayîşê mekteban ame dayene. La do nê vngî senîn pirr bikerê, ma zî nêzanê."

 

Tirkîya de zî dimayê vîrusê korona rî da dima, hîn tedbîrî ameyî girewtene û nê tedbîran ra yew zî vindernayîşê mekteban bi. Wendekaran dîyar kerd ke nêzanê na rewşe do tesîrêko senîn bikero û vatî ê bi endîşeyê. Nê wendekaran ra yew zî Tuba Kiliçe ke Unîversîteya Aydinî ya Stenbolî de beşê Anestezî wanena ya.

 

‘Ez nêzana do sîstemê onlîne çiqas bi feyde bo'

 

Tubaye da zanayene ke dimayê eşkerayîye wezaretî ke vatib, do mektebî heta 30ê Nîsane padaye bê, Stenbolî ra ameya keyeyê xo yê Qoserî û vat: "Ma bi endîşeyê. Ma nêzanê do tîya ra tepya rewşe senîn biba. Do no vengî senîn bêro pirr kerdene. Dimayê vîrusî, qerarê vindernayîşê perwerde ame girewtene. No qerarêko rast o. Vatî do serê sîstemê onlîne perwerde dewam bikero. La ma nêzanê ke do no sîstem çiqas bi feyde bo. Mamoste semedê nê vengî bigîrê, hewl danê. Ma nêzanê do dersî senîn aver şorê."

 

'Ganî tedbîr bêrê girewtene'

 

Tubaye wina dewam kere: "Verê ke mabêne bidê perwerde, mekteban de tedbîr ame girewtene. Dezenfekte ameyî xebitnayîş. Hewl dayî cayêko hîjyenîk awan bikerê. Mamosteyan zanayîş da. La komel na babete de bê tedbîr o. Komel goş nêdano tedbîran. La ganî ma rîskê pîl verê çiman de bigîrê û goreyê nê hemleyan bikerê. Ganî her kes xo bikero binê karantîna. Qetnêbo heta wextê kuluçkayî qedîyeno."