AMED - Derheqê Zînî Wertê û hêrişê ke herême de aver şonê de 272 Rojnamegeranê Kurdistanijan eşkerayîyêke hempar fayî û vatî: “Ma veng danê pêro sîyasîyê kurdan ke bi berpirsiyarî têbigeyrê, nakokîyan ganî orte ra wedarnê û çaresîyêk mende bi dîyalog aver berê.”

 

272 Rojnamegeranê kurdîstanijan derheqê qewimîyayîşanê warê Zînî Wertê yê Başûrê Kurdîstanî de eşekrayîyêke daye.

 

Eşkerayîye de wina ame vatene: Di daxuyaniya hevpar de wiha hat gotin: "Tengezarîyê herêma Zînê Wertê ya Vaşûrê Kurdistanî de yenê ciwîyayîş, beno ke her deqe de ageyro rewşêka şer pêrodayîşanê neweyan êy mabêne hêzanê kurdan. Pêro şerê birakiştişî û xomîyanî de her wext kurdan bi xo vindî kerdo û neyarê kurdan zî nê şer û pêrodayîşan ra feyde girewtê.

 

Hemverê çar beşanê Kurdistanî de hêriş

 

Di heme şerranê xomîyanî û birakiştişî de, her tim kurdan bixo vînî kerdo û neyaranê kurdan zî nêy şerr û pêrodayişan ra menfîet dîyo. Dewleta tirke roca verêne ra çim verdayo heme destkewteyanê kurdan. Seba ke destkewteyanê 4 beşanê Kurdistanî orte ra rabikero, çi destê aye ra ameyo, kerdo. Operasîyonêy îşgalkerîye êy Rojavayî, helwesta dişmentîye ya verva Referandûmê Xoserîye yê Vaşûrê Kurdistanî, Vakûrê Kurdistanî de, bi awayêko ganî veşnayişê însanan, di cêrzemînan de û operasîyonê binçimkerdiş û girotişîy, ke heta nika dewam kenê, çend nimûneyê verbiçim ê.

 

Beno ke pêro Kurdî binê nê barî de bimanê!

 

Dewleta tirke, bi hêzanê xo êy eskerî û sîxurî, di xeylê heremanê Vaşûrê Kurdistanî de bi ca bîya û hewldananê xo êy di maberê hêzê kurdan de şerr bido destpêkerdene zî, domnena. Heke hêzê kurdan di na kaye de,destê dewleta tirke û dewletêy bînîy êy kolonyalîstan rihet bikerê, gere bêro zanayiş ke do heme kurdîy di bin nêy naye de, bimanê.

 

Seba kongreya neteweyî xebate bêra destpêkerdene

 

Ma rojnamegerî wina waştişanê xo rêze kenê;

 

*Gere na alozîya ke ewleyî û destkewteyanê 4 perêçeyanê Kurdistanî fînena bi xetereyî, tafil bêro bipeynîkerdene.

 

*Gere heme hetîy, di gama yewine de hêzanê xo êy eskerîyan Herema Zînê Werte ra, apey biancê.

 

*Û dime ra, gere pêdîyişêy ribirîy dest pê bikerê û persgirayêy ke est ê, bi rayira dîyalogî bêrê çareserkerdene.

 

*Yeno zanayiş ke destkewteyê hêzanê sîyasîyan êy Şarê Kurdî, ge ge înan neçar verdenê ke bi dewletê kolonyalîstan reyde, bikewê mîyanê dîyalogan. La gere nêy dîyalogî duştê destkewteyanê hêzêy sîyasî êy perçeyê bînan û Şarê Kurdî nêbê.

 

*Seba ke di ameyî de nakokîyê bi heman rengî dorêka bîne nêvecîyê û persgiray bi awayêko mayinde bêrê çareserkerdiş, gere heme hêzê sîyasî xebatanê Kongreya Netewî, newe ra bidê destpêkerdiş. 

 

Dîyalog aver berê

 

Ma na bawerîye de yê ke, di maberê hêzêy sîyasîyan êy Kurdan de tu persgirayêka bi rayira dîyalogan nêro çareserkerdişî çîn ya. Ma zê rocnamewananê Kurdistanîyan, ke şanenameya ma di bin ney beyanî de est a, veng ro heme hêzanê sîyasîyan êy kurdan kenê ke bi verpersîyarî têbigeyrê, nakokîyanê xomîyanî tafil orte ra rabikerê û seba çareserîya mayindeye, dest bi dîyalogan bikerê.